Beto Yedisa Mayele na Beto na Kisalu ya Kusamuna​—Sadisa ‘Bantu Yina Kele ti Nkadilu ya Mbote’ na Kukuma Balongoki

MFUNU NA YO: Yehowa ke bikaka nde nkeni ya kieleka kuyela na bantima ya bantu yina kele ti ‘nkadilu ya mbote sambu bo baka luzingu ya mvula na mvula.’ (Bis 13:48; 1Bk 3:7) Beto ke salaka ti yandi ntangu beto ke salaka bikesa ya kutula dikebi na bantu yina ke ndimaka mambu yina bo ke longukaka. (1Bk 9:26) Balongoki ya Biblia fwete bakisa nde mbotika ya Bukristu kele mfunu sambu na kuguluka. (1Pi 3:21) Beto ke sadisaka bo na kukuma balongoki ntangu beto ke longaka bo na kusala bansoba na luzingu na bo, na kusamuna, na kulonga mpi na kupesa luzingu na bo ya mvimba na Yehowa.—Mat 28:19, 20.

MUTINDU YA KUSALA YO:

• Yibusa balongoki na nge ya Biblia nde kulonguka Biblia ta sadisa bo na ‘kuzaba’ Yehowa mpi na kusala mambu yina ke sepedisaka yandi.—Yoa 17:3.

• Sadisa bo na kuyela na kimpeve sambu bo nunga mimekamu, mu mbandu bikalulu ya mbi mpi banduku ya mbi

• Siamisa mpi pesa bo kikesa na ntwala mpi na nima ya mbotika.—Bis 14:22

SONGA VIDEO YEHOWA NZAMBI TA SADISA NGE MPI NA NIMA BENO PESA BAMVUTU NA BANGIUFULA YAI:

• Inki lenda pesa muntu boma ya kudipesa na Yehowa mpi kubaka mbotika?

• Inki mutindu bankulutu lenda sadisa balongoki ya Biblia na kuyela na kimpeve?

• Yezaya 41:10 ke longa beto nki sambu na Yehowa?

• Inki bikalulu ta sadisa beto na kusadila Yehowa na mutindu ya me fwana, ata beto kele bantu ya kukonda kukuka?