Inki Mutindu Nge Ta Kudibongisa Sambu na Lusungiminu?

Na mvula yai, beto ta vanda ti ntangu mingi ya kudibongisa sambu na Lusungiminu ya lufwa ya Kristu. Kana Lusungiminu ta salama na kati-kati ya mposo, beto ta sala ve Lukutakanu Luzingu mpi Kisalu. Kansi, kana Lusungiminu ta salama na mposo to na lumingu, beto ta sala ve Kulonguka ya Nzozulu ya Nkengi mpi diskure ya bantu yonso. Keti nge ta yidika manaka na nge sambu na kusadila mbote ntangu na nge? Bonso na mvu-nkama ya ntete, beto fwete baka bangidika ya me fwana sambu na lukutakanu yai ya mfunu. (Luk 22:7-13; km 15/3 1) Kansi beto yonso fwete sala mambu ya nkaka sambu na kubaka mambote mingi na lukutakanu yai. Inki beto fwete sala?

• Yindula sambu na nki yo kele mfunu nde nge kwenda na Lusungiminu.—1Bk 11:23-26

• Samba mpi yindulula kinduku na nge ti Yehowa.—1Bk 11:27-29; 2Bk 13:5

• Tanga mpi yindulula baverse ya ke tubila Lusungiminu.—Yoa 3:16; 15:13

Bansamuni ya nkaka ke tangaka mpi ke yindululaka baverse ya Lusungiminu yina kele na kamukanda Beto Fimpa Masonuku Konso Kilumbu. Bansamuni ya nkaka ke tangaka baverse ya Biblia yina kele na tablo. Kansi bansamuni ya nkaka ke sadilaka masolo ya Nzozulu ya Nkengi yina ke tubilaka Lusungiminu mpi zola yina Yehowa mpi Yezu me monisilaka beto. Konso metode yina nge ke sadila sambu na kulonguka ta sadisa nge na kubikala pene-pene ya Yehowa mpi ya Mwana na yandi.