Beto Yedisa Mayele na Beto na Kisalu ya Kusamuna​—Wakanisa Malongi na Nge ti Bampusa ya Bawi

MFUNU NA YO: Bampangi yina bo me tulaka mafuta mpi mameme ya nkaka ke bingisaka bantu ya mitindu yonso na ‘kubaka masa ya luzingu ya ofele.’ (Kus 22:17) Masa yai ya kifwani ke monisa madia yonso yina Yehowa ke pesaka sambu na kukatula bantu ya bulemfu na kimpika ya disumu mpi ya lufwa. Sambu na kusadisa bantu yina ke vandaka ti bikalulu mpi balukwikilu ya kuswaswana, beto fwete longa “nsangu ya mbote ya mvula na mvula” sambu na kusadisa konso muntu.—Kus 14:6.

MUTINDU YA KUSALA YO:

• Pona dilongi mpi verse mosi yina ta simba bantima ya bantu yina kele na teritware na nge. Nge lenda pona disolo ya pete to kusadila mbandu ya disolo yina nge ke sadilaka mingi. Inki kele malongi mpi baverse yina bantu ke sepelaka na yo? Keti kele ti diambu ya mpa yina bantu ke yindula mpi ke tubila? Inki kele diambu ya mfunu yina bakala to nkento lenda sepela na yo?

• Ntangu nge ke yantika disolo na nge, pesa bantu mbote mpi monisa bikalulu yina bantu ke vandaka na yo na teritware na nge.—2Bk 6:3, 4

• Zaba mbote mikanda mpi bavideo yina kele na Bisadilu Sambu na Kulonga, sambu yo ta sadisa nge na kupesa muntu yina ke monisa mpusa

• Baka mukanda na ndinga yina bantu ya teritware na nge ke tubaka

• Soba disolo na nge sambu yo wakana ti mpusa ya muwi. (1Bk 9:19-23) Mu mbandu, inki nge lenda tuba kana nge me zaba nde muwi na nge me katuka kufwisa mpangi na yandi?

SONGA VIDEO MPI NA NIMA BENO PESA BAMVUTU NA BANGIUFULA YAI:

• Inki nsamuni salaka sambu na kuyantika kusolula ti muwi na yandi?

• Inki diambu muwi kutanaka ti yo na luzingu na yandi?

• Na dibaku yina, yo lombaka nde bo tanga nki verse mpi sambu na nki?

• Inki mutindu nge ke sobaka disolo na nge sambu na kusimba ntima ya bantu yina kele na teritware na nge?