BIMVWAMA YA NDINGA YA NZAMBI | KUYANTIKA 40-41
Yehowa Me Gulusa Yozefi
Yozefi niokwamaka ntangu yandi vandaka mpika mpi bo tulaka yandi na boloko kiteso ya bamvula 13 na ntwala nde Yehowa kugulusa yandi. Na kisika nde Yozefi kuwa makasi, yandi longukaka mambu mingi ya mbote na mambu yina kuminaka yandi. (Nk. 105:17-19) Yozefi zabaka nde Yehowa yambulaka yandi ve ata fioti. Inki mambu ya mbote Yozefi salaka ntangu yandi kutanaka ti bampasi?
Yandi vandaka kusala ngolo mpi bo vandaka kutudila yandi ntima, yo yina Yehowa sakumunaka bikesa na yandi.—Kuy 39:21, 22
Yandi vandaka kusadila bantu ya nkaka mambu ya mbote na kisika ya kupesa ndola na bantu yina sadilaka yandi mambu ya mbi.—Kuy 40:5-7
Inki mutindu mbandu ya Yozefi lenda sadisa mono na kukanga ntima na bampasi?
Na ntwala nde Yehowa kugulusa mono na Armagedoni, nki mutindu mono lenda sala mambu ya mbote ata mono ke kutana ti bampasi?