Mitindu Tatu ya Kutudila Yehowa Ntima

Davidi nungaka Goliati sambu yandi tudilaka Yehowa ntima. (1Sa 17:45) Yehowa ke zolaka kusonga ngolo na yandi sambu na mambote ya bansadi na yandi. (2Bs 16:9) Inki mutindu beto lenda tula ntima na ngolo ya Yehowa na kisika ya kutula ntima na mayele mpi na ngolo na beto mosi? Beto tubila mitindu tatu yina ta sadisa beto na kutudila Yehowa ntima:

• Samba mbala na mbala. Kusamba ve Yehowa kaka sambu yandi lolula nge na diambu ya mbi yina nge me sala kansi samba mpi ntangu ntima ke pusa nge na kusala kima mosi ya mbi. (Mat 6:12, 13) Kusamba ve Yehowa kaka sambu yandi sakumunaka badesizio yina nge bakaka kansi samba yandi mpi na ntwala sambu yandi twadisa nge mpi yandi pesa nge mayele ya kubaka badesizio ya mbote.—Yak 1:5

• Vanda ti manaka ya mbote ya kutanga Biblia mpi ya kulonguka ya nge mosi. Tangaka Biblia konso kilumbu. (Nk 1:2) Baka ntangu ya kuyindula bambandu yina kele na Biblia mpi sadila malongi yina nge me baka. (Yak 1:23-25) Yilama na ntwala ya kukwenda na kisalu ya kusamuna na kisika ya kutula ntima na mambu yina nge salaka na bilumbu me luta. Nge ta baka kibeni mambote ya balukutakanu ya dibundu kana nge ke kudibongisa na ntwala.

• Sala na kuwakana ti organizasio ya Yehowa. Vanda ti kikalulu ya kuzaba balutwadisu ya mpa yina organizasio ke pesa mpi sadila yo mbala mosi. (Kut 9:17) Sadila bandongisila mpi bantuma yina bankuluntu ke pesa nge.—Ebr 13:17

SONGA VIDEO BETO FWETE WA VE BOMA YA MBANGIKA MPI NA NIMA BENO PESA BAMVUTU NA BANGIUFULA YAI:

• Inki mambu pesaka bampangi boma?

• Inki sadisaka bo na kununga boma yina?