19-25 FÉVRIER

BANKUNGA 8-10

Nkunga 2 mpi Kisambu | Bangogo ya Luyantiku (Mun. 1)

BIMVWAMA YA NDINGA YA NZAMBI

1. “Mono Ta Kumisa Nge, O Yehowa”!

(Min. 10)

Yehowa me sadilaka beto mambote mingi kibeni (Nk 8:3-6; w21.08 3 § 6)

Beto kele na kiese ya kukumisa Yehowa mpi ya kusonga bantu ya nkaka mambu ya nene yina yandi me salaka (Nk 9:1; w20.05 23 § 10)

Beto ke kumisaka mpi Yehowa ntangu beto ke yimbilaka yandi na ntima ya mvimba (Nk 9:2; w22.04 7 § 13)

Bifwanisu: Mitindu ya kukumisa Yehowa. 1. Mpangi-nkento mosi ya mununu ke longa munganga mosi nsangu ya mbote. 2. Bampangi ke yimba na lukutakanu. 3. Leke mosi ya bakala ke nangula musapi sambu na kupesa mvutu na lukutakanu. 4. Mpangi mosi ya leke ya bakala ke tula bunkete na Nzo ya Kimfumu. 5. Mpangi-nkento mosi ke longa mwana ya nzo-nkanda na bo nsangu ya mbote.

KUDIYULA NDE: ‘Inki kele mitindu ya nkaka yina mono lenda kumisa Yehowa?’

2. Bimvwama ya Kimpeve

(Min. 10)

Nk 8:3—Inki muyimbi bankunga zolaka kutuba ntangu yandi tubilaka misapi ya Nzambi? (it-1-F 663)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Nk 10:1-18 (th dilongi 11)

KUDIPESA NA KISALU YA BILANGA

4. Kuyantika Disolo

(Min. 3) NZO NA NZO. Muwi ke songa nge nde yandi ke kwikilaka ve na Nzambi. (lmd dilongi 5 kantu-diambu 4)

5. Landa Mpusa

(Min. 4) KIMBANGI YA DIBAKU YA MBOTE. Na disolo ya me luta, muwi songaka nge nde yandi ke kwikilaka ve na Nzambi, kansi yandi ke ndima nde beno tubila mambu yina ke monisa nde Nzambi kele kibeni. (th dilongi 7)

6. Diskure

(Min. 5) w21.06 6-7 § 15-18—Ntu-Diambu: Sadisa Balongoki na Nge ya Biblia na Kukumisa Yehowa. (th dilongi 10)

ZINGA MUTINDU BAKRISTU FWETE ZINGA

Nkunga 10

7. Inki Mutindu Nge Lenda Solula ti Bantu na Dibaku ya Mbote Mutindu Nge Ke Solulaka ti Bantu Yonso Konso Kilumbu?

(Min. 10) Disolo ti Bawi.

Mutindu ya nkaka yina beto lenda kumisa Yehowa mingi kele ntangu beto ke longaka nsangu ya mbote na bantu yina beto ke kutanaka ti bo ntangu beto ke salaka bisalu na beto ya konso kilumbu. (Nk 35:28) Ntete, beto lenda wa boma ya kulonga nsangu ya mbote na dibaku ya mbote. Kansi, kana beto longuka mutindu ya kuyantika kusolula ti bantu mpi ya kulanda kusolula ti bo mutindu beto ke solulaka konso kilumbu, beto ta kuma kusepela mingi kulonga nsangu ya mbote na dibaku ya mbote mpi beto ta kuma kusala yo mbote kibeni.

Kifwanisu ya kele na video “Vanda ya Kuyilama Sambu na Kulonga ‘Nsangu ya Mbote ya Ngemba’—⁠Vanda Muntu ya Ntete.” Mpangi-nkento mosi me yantika kusolula ti nkento yina me vanda na lweka na yandi na restora.

Songa VIDEO Vanda ya Kuyilama Sambu na Kulonga “Nsangu ya Mbote ya Ngemba”—Vanda Muntu ya Ntete. Na nima yula bawi ngiufula yai:

Inki mutindu video yai lenda sadisa nge na kukuma kulonga mbote nsangu ya mbote na dibaku ya mbote?

Mvutu na nge

Tala mwa bandongisila yina lenda sadisa nge na kuyantika kusolula ti muntu:

Sosa mabaku ya kuyantika kusolula ti bantu konso ntangu yina nge me katuka na nzo na nge. Samba sambu na yo mpi lomba Yehowa na kunata nge na bantu ya ntima-masonga
Vanda mawete mpi tudila bantu yina nge ke kutana ti bo dikebi. Sosa kuzaba mwa mambu ya me tala muntu yango sambu yo sadisa nge na kutubila dilongi mosi ya Biblia yina lenda sepedisa yandi
Kana mpila kele, sosa dibaku ya kupesa yandi nimero mpi adresi na nge, nge mpi baka ya yandi
Kulemba ve nitu kana muntu me zenga disolo na ntwala nde nge longa yandi nsangu ya mbote
Yindula muntu yango ata beno me manisa kusolula ti yandi. Landa kutudila yandi dikebi. Nge lenda tindila yandi lien ya verse mosi ya Biblia to ya disolo mosi na jw.org

Meka diambu yai: Kana muntu mosi me yula nge nde: ‘Wikendi na nge me luta nki mutindu?’ songa yandi kima mosi yina nge longukaka na lukutakanu to mambu ya me tala kisalu ya kulonga nsangu ya mbote.