29 AVRIL–5 MAI
BANKUNGA 34-35
Nkunga 10 mpi Kisambu | Bangogo ya Luyantiku (Mun. 1)
1. “Kumisa Yehowa Ntangu Yonso”
(Min. 10)
Davidi kumisaka Yehowa, ata ntangu yandi vandaka kukutana ti bampasi (Nk 34:1; w07 1/3 25 § 11)
Davidi kudikumisaka sambu na Yehowa kansi sambu na yandi mosi ve (Nk 34:2-4; w07 1/3 26 § 13)
Mambu yina Davidi tubaka sambu na kukumisa Yehowa, pesaka banduku na yandi kikesa (Nk 34:5; w07 1/3 26 § 15)
Ntangu Abimeleki yambulaka Davidi, bantu 400 yina vandaka ve na kiese na luyalu ya ntotila Saule, landaka Davidi na ntoto ya zelo na zelo. (1Sa 22:1, 2) Yo ke monana nde Davidi vandaka kuyindula bantu yina ntangu yandi sonikaka nkunga yina.—Nk 34, bangogo yina kele na zulu ya kapu.
KUDIYULA NDE: ‘Inki mutindu mono lenda kumisa Yehowa ntangu mono ta solula ti muntu mosi na lukutakanu ya ke landa?’
2. Bimvwama ya Kimpeve
(Min. 10)
Nk 35:19—Inki Davidi zolaka kutuba ntangu yandi lombaka Yehowa nde yandi bika ve nde bantu yina vandaka kumenga yandi “kubweta meso na bo”? (w06 1/6 31 § 9)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 34:1-22 (th dilongi 5)
4. Kuyantika Disolo
(Min. 2) KIMBANGI YA DIBAKU YA MBOTE. Disolo me mana mpi nge me longa ve nsangu ya mbote. (lmd dilongi 1 kantu-diambu 4)
5. Landa Mpusa
(Min. 4) KIMBANGI YA DIBAKU YA MBOTE. (lmd dilongi 2 kantu-diambu 4)
6. Tendula Balukwikilu na Nge
(Min. 5) Nsonga. ijwfq 59—Ntu-diambu: Inki Mutindu Bambangi ya Yehowa Ke Zabaka Kana Feti Mosi Kele Mbote to Mbi? (th dilongi 17)
Nkunga 59
7. Mitindu Tatu ya Kukumisa Yehowa na Balukutakanu
(Min. 15) Disolo ti Bawi.
Balukutakanu ke pesaka beto mabaku ya mbote kibeni ya kukumisa Yehowa. Beto tala mitindu tatu ya kukumisa Yehowa.
Masolo: Ntangu nge ke solula ti bantu ya nkaka, tubila mambu yina ke monisa nde Yehowa kele mbote. (Nk 145:1, 7) Keti nge waka to nge tangaka kima mosi yina natilaka nge mambote? Keti nge kutanaka ti diambu mosi ya mbote na kisalu ya kulonga nsangu ya mbote? Keti nge bakaka kikesa na mambu yina muntu mosi tubaka to salaka? Keti nge monaka kima mosi na bima yina Yehowa me salaka yina yitukisaka nge? Mambu yina yonso kele makabu ya me katuka na Yehowa. (Yak 1:17) Kwisa na ntwala na balukutakanu sambu nge zwa mwa ntangu ya kusolula ti bantu ya nkaka.
Bamvutu: Sala yonso sambu na kupesa ata mvutu mosi na konso lukutakanu. (Nk 26:12) Nge lenda pesa mvutu na ngiufula yina bo me yula to kupesa komantere na diambu mosi, na verse mosi, na kifwanisu to na mutindu ya kusadila dilongi mosi. Yidika bamvutu mingi sambu bantu mingi ta songa mpi misapi sambu na kupesa bamvutu. Bantu mingi ta ‘pesa Nzambi kimenga ya lukumu’ kana beto ke pesa bakomantere ya basegonde 30 to na nsi.—Ebr 13:15.
Bankunga: Yimba bankunga ya Kimfumu na kiese yonso. (Nk 147:1) Mbala ya nkaka bo lenda pona nge ve na kupesa mvutu na konso lukutakanu, mingi-mingi na dibundu ya nene. Kansi, nge lenda yimba na konso lukutakanu. Ata nge ke yindula nde nge ke yimbaka ve mbote, kana nge sala bikesa ya kuyimba, nge ta sepedisa Yehowa mingi kibeni. (2Bk 8:12) Nge lenda yimba ntete bankunga yango na nzo.
Songa VIDEO Kuyela ya Bansadi ya Nzambi—Dikabu ya Nkunga, Kitini 1. Na nima, yula bawi ngiufula yai:
Ntangu organizasio ya Yehowa ya bilumbu na beto yantikaka, nki mutindu beto monisaka nde kuyimbila Yehowa bankunga ya ke kumisa yandi kele mfunu?
8. Kulonguka ya Biblia ya Dibundu
(Min. 30) bt kapu 9 § 1-7, bangogo ya luyantiku ya kitini 3 mpi lupangu na lut. 70