6-12 MAI
BANKUNGA 36-37
Nkunga 87 mpi Kisambu | Bangogo ya Luyantiku (Mun. 1)
1. “Kuwa Ve Makasi Sambu na Bantu ya Mbi”
(Min. 10)
Bantu ya mbi ke pesaka beto mpasi mpi bo ke niokulaka beto (Ps 36:1-4; w17.04 10 § 4)
Kana beto ke kangila “bantu ya mbi” makasi, beto ke kudikota nsoki (Nk 37:1, 7, 8; w22.06 10 § 10)
Beto ta vanda na ngemba kana beto ke tula ntima na balusilu ya Yehowa (Nk 37:10, 11; w03 1/12 26 § 20)
KUDIYULA NDE: ‘Keti mono ke tulaka dikebi mingi na bansangu ya ke tubilaka mambu ya mbi?’
2. Bimvwama ya Kimpeve
(Min. 10)
Nk 36:6—Mbala ya nkaka muyimbi-bankunga zolaka kutuba nki ntangu yandi tubaka nde lunungu ya Yehowa kele bonso “bangumba ya nene [to “bonso bangumba ya Nzambi,” noti na nsi ya lutiti.]”? (it-2-F 341)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 37:1-26 (th dilongi 10)
4. Kuyantika Disolo
(Min. 3) NZO NA NZO. (lmd dilongi 1 kantu-diambu 5)
5. Landa Mpusa
(Min. 4) KIMBANGI YA DIBAKU YA MBOTE. Lomba muntu mosi yina me buyaka dezia kulonguka Biblia na kulonguka yo. (lmd dilongi 9 kantu-diambu 4)
6. Diskure
(Min. 5) ijwbv 45—Ntu-Diambu: Inki Kele Ntendula ya Nkunga 37:4? (th dilongi 13)
Nkunga 33
7. Keti Nge Kele ya Kuyilama Sambu na “Bantangu ya Mpasi”?
(Min. 15) Disolo ti Bawi.
Bampangi na ntoto ya mvimba ke kutana ti bampasi mpi bantu yina bo ke zolaka ke fwa na bisumbula ya lugangu mpi sambu na mambu ya mbi yina bantu ke sala. (Nk 9:9, 10) Diambu ya mawa kele nde “bantangu ya mpasi” lenda kwisa na konso ntangu yina, yo yina beto yonso fwete vanda ya kuyilama sambu na bampasi yango.
Katula kuyidika bima yina ta sadisa beto kana kisumbula me salama,a nki diaka ta sadisa beto na kukanga ntima na ntangu yina?
Yilama na mabanza: Zaba nde kisumbula lenda salama mpi yindula na ntwala mambu yina nge lenda sala kana yo me salama. Kukangama ve ngolo ti bima ya kinsuni. Yo ta sadisa nge na kusala mambu na mayele yonso mpi na nswalu yonso sambu nge tula dikebi na kugulusa luzingu na nge na kisika ya kutanina bima na nge ya kinsuni. (Kuy 19:16; Nk 36:9) Diaka, kana nge kangama ve ngolo ti bima na nge ya kinsuni, yo ta sadisa nge na kudiyangisa ve mingi kana nge vidisa yo na ntangu ya kisumbula.—Nk 37:19
Yilama na kimpeve: Tudila Yehowa ntima mpi ndima nde yandi kele ti ngolo mpi nzala ya kusadisa nge. (Nk 37:18) Na ntwala nde kisumbula kusalama, yindula mbala na mbala nde Yehowa ta twadisa mpi ta sadisa bansadi na yandi ata beto me guluka kaka ti ‘luzingu na beto bonso kima ya beto me botula na bitumba.’—Yer 45:5; Nk 37:23, 24
Kana beto ke landa kuyindula balusilu ya Yehowa, beto ta kumisa yandi ‘nzo na beto ya ngolo na ntangu ya mpasi.’—Nk 37:39.
Songa VIDEO Keti Nge Kele ya Kuyilama Sambu na Kisumbula? Na nima yula bawi bangiufula yai:
Inki mutindu Yehowa lenda sadisa beto na ntangu ya kisumbula?
Inki beto fwete sala sambu na kuyilama?
Inki mutindu beto lenda sadisa bantu yina me bwila kisumbula?
8. Kulonguka ya Biblia ya Dibundu
(Min. 30) bt kapu 9 § 8-16