27 MAI–2 JUIN
BANKUNGA 42-44
Nkunga 86 mpi Kisambu | Bangogo ya Luyantiku (Mun. 1)
1. Baka Mambote Mingi na Malongi ya Nzambi
(Min. 10)
Vukana ti bampangi ya nkaka sambu na kusambila Yehowa, mpi kana mpila kele, sala yo kimuntu-kimuntu (Nk 42:4, 5; w06 1/7 9 § 4)
Samba na ntwala ya kulonguka Ndinga ya Nzambi (Nk 42:8; w12-F 1/15 15 § 2)
Bika nde minsiku ya Biblia kutwadisa konso kima yina nge ke sala (Nk 43:3)
Malongi ya Nzambi ke sadisaka beto na kukanga ntima na bampasi mpi na kulanda kulungisa lusilu na beto ya kudipesa na Yehowa.—1Pi 5:10; w16.09 6 § 11-12.
2. Bimvwama ya Kimpeve
(Min. 10)
Nk 44:19—Mbala ya nkaka bangogo “kisika yina bambwa ya nseke ke zingaka” ke tubila nki? (it-1-F 417)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 44:1-26 (th dilongi 11)
4. Kuyantika Disolo
(Min. 4) NZO NA NZO. Lomba muwi na kulonguka ti yandi Biblia. (lmd dilongi 5 kantu-diambu 5)
5. Landa Mpusa
(Min. 5) NZO NA NZO. Bingisa muwi na diskure ya bantu yonso yina ta salama na lukutakanu ya ke landa. Songa video Inki Ke Salamaka na Nzo ya Kimfumu? (lmd dilongi 7 kantu-diambu 5)
6. Diskure
(Min. 3) lmd bangindu ya nkaka A kitini 4—Ntu-diambu: Bantu Yonso Ta Vanda ti Sante ya Kukuka. (th dilongi 2)
Nkunga 21
7. Baka Balukanu ya Mbote na Mambu ya Me Tala Kisalu mpi Banzo-Nkanda
(Min. 15) Disolo ti Bawi.
Baleke, keti beno me baka lukanu ya mambu yina beno ta sala kana beno me manisa nzo-nkanda? Mbala ya nkaka, nge ke yindula nde nge ta sala kisalu mosi yina ta sadisa nge na kusala kisalu ya kimupasudi-nzila. To mbala ya nkaka, nge ke yindula nde nge lenda baka baformasio ya nkaka yina ta sadisa nge na kuzwa kisalu yina ta sadisa nge na kusala kisalu ya kimupasu-nzila. Kuvila ve nde yai kele ntangu mosi ya mfunu mingi sambu na nge. Kansi mbala ya nkaka, nge lenda zaba ve nki nge lenda sala sambu nge ke yindula na mbala mosi mambu mingi yina nge fwete pona to sambu bantu ya nkaka ke pusa nge na kubaka lukanu yina ta sepedisa bo. Inki lenda sadisa nge na kubaka balukanu ya mbote?
Tanga Matayo 6:32, 33. Na nima yula bawi bangiufula yai:
Sambu na nki yo kele mfunu na kuyindula balukanu ya kimpeve na ntwala ya kubaka balukanu ya mfunu sambu na kisalu to nzo-nkanda?
Inki mutindu bibuti lenda sadisa bana na bo na kusadila Matayo 6:32, 33?—Nk 78:4-7
Kubika ve nde nzala ya kukuma ti mbongo mingi to ya kukuma muntu ya nene na nsi-ntoto yai kupusa nge na kubaka balukanu. (1 Yoa. 2:15, 17) Kuvila ve nde yo lenda vanda mpasi na muntu yina kele ti mbongo mingi na kutula mambote ya Kimfumu na kisika ya ntete. (Luka 18:24-27) Kana muntu ke sala ngolo sambu na kukuma mvwama, yo ta vandila yandi mpasi na kukumisa lukwikilu na yandi ngolo mpi na kusala mambu yina ta sepedisa Yehowa.—Mat. 6:24; Mar. 8:36.
Songa VIDEO Kutula Ve Ntima na Mambu Yina Ta Vanda Diaka Ve na Mfunu!—Kimvwama. Na nima yula bawi ngiufula yai:
Inki mutindu Bingana 23:4, 5 lenda sadisa nge na kubaka balukanu ya mbote?
8. Kulonguka ya Biblia ya Dibundu
(Min. 30) bt kapu 10 § 5-12