28 OCTOBRE–3 NOVEMBRE

BIMVWAMA YA NDINGA YA NZAMBI

1. “Yandi Ke Yibukaka nde Beto Kele Mfututu”

(Min. 10)

Kikalulu ya Yehowa ya kuwila bantu mawa ke salaka nde yandi vanda ve makambu ngolo (Nk 103:8; w23.07 21 § 5)

Yandi ke yambulaka beto ve kana beto me sala bifu (Nk 103:9, 10; w23.09 6-7 § 16-18)

Yandi ke lombaka beto ve na kusala mambu yina beto ta kuka ve (Nk 103:14; w23.05 26 § 2)

Bakala mosi ke widikila nkento na yandi na dikebi yonso ntangu yandi ke songa yandi mutindu yandi ke kudiwa.

KUDIYULA NDE: ‘Keti mono ke landaka kikalulu ya Yehowa ya kuvanda ve makambu ngolo ntangu mono ke sadilaka nkwelani na mono mambu?’

2. Bimvwama ya Kimpeve

(Min. 10)

Nk 104:24—Verse yai ke longa beto nki na yina me tala ngolo ya Yehowa ya kusala bima ya mpa mpi ya kuswaswana? (cl 55 § 18)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Nk 104:1-24 (th dilongi 11)

KUDIPESA NA KISALU YA BILANGA

4. Kuyantika Disolo

(Min. 3) KIMBANGI NA BISIKA YA BANTU MINGI. (lmd dilongi 3 kantu-diambu 4)

5. Landa Mpusa

(Min. 4) NZO NA NZO. Tubila video Mutindu Kulonguka ya Biblia Ta Salamaka ti muntu yina ndimaka kulonguka Biblia. (th dilongi 9)

6. Diskure

(Min. 5) lmd bangindu ya nkaka A ngindu 6—Ntu-Diambu: Bakala Fwete “Zola Nkento na Yandi Mutindu Yandi Ke Kudizolaka.” (th dilongi 1)

ZINGA MUTINDU BAKRISTU FWETE ZINGA

7. Keti Nge Ke Zabaka Bandilu na Nge?

(Min. 15) Disolo ti Bawi.

Kupesa Yehowa bima na beto ya kuluta mbote ke pesaka yandi kiese mpi yo ke pesaka beto mosi kiese. (Nk 73:28) Kansi, kana beto ke sala yonso yina beto lenda sala kukonda kutadila bandilu na beto, yo lenda natila beto basusi ya kukonda mfunu mpi kusala beto mpasi.

Mpangi-nkento ya leke yina kele na video “Beto Lenda Sala Mingi Kana Beto Tadila Mambu na Mutindu ya Mbote.”

Songa VIDEO Beto Lenda Sala Mingi Kana Beto Tadila Mambu na Mutindu ya Mbote. Na nima yula bawi bangiufula yai:

Yehowa ke zolaka nde beto sala nki? (Mik 6:8)

Mvutu na nge

Kifwanisu ya kele na video “Beto Lenda Sala Mingi Kana Beto Tadila Mambu na Mutindu ya Mbote.” Mpangi-nkento yango kele na restora ti nduku na yandi mpi yandi ke pesa longoki mosi ya Biblia kikesa.

Inki sadisaka mpangi-nkento yina ya leke na kudiyangisa ve mingi na yina me tala kulungisa lukanu na yandi?

Mvutu na nge

INKI MUTINDU BETO LENDA ZABA BANDILU NA BETO?

Kuvanda ve ti kikalulu ya kudifwanisa ti bantu ya nkaka. (Bag 6:4) Yo ke lomba kaka ve nde beto sala mambu yina bantu ya nkaka ke sala. Diaka, beto fwete yindula ve nde beto fwete sala kima mosi sambu bantu ya nkaka ke sala yo. Nge lenda sala mingi kuluta muntu yina nge kele mvula mosi ti yandi to yina kele na dibuta ya kiteso mosi ti ya beno, to yandi mpi lenda sala mingi kuluta nge
Kubika ve nde boma kukanga nge nzila ya kusala mambu ya mpa. (Bar 12:1; 1Bk 7:31) Kuwa ve boma ya kumeka kusala kima mosi na kisalu ya Yehowa, yina nge lenda yindula ntete nde nge ta kuka ve to nde nge ta sepela ve ti yo.—Mal 3:10
Kuditudila ntete balukanu ya fioti-fioti sambu na kuzaba mambu yina nge ta kuka kusala. Mu mbandu, keti nge ta kuka kusala kisalu ya kimupasudi-nzila ya ntangu yonso? Na nsungi ya mwa bangonda, nge lenda meka kulonga mingi nsangu ya mbote to kukuma mupasudi-nzila nsadisi. Nge lenda meka kusala kisalu ya kimupasudi-nzila ya ntangu yonso mvula mosi. Ata nge ke yindula nde nge ta kuka ve kukuma mupasudi-nzila ya ntangu yonso to kusala yo mvula mosi kuluta, nge ta wa ve mpasi ata fioti sambu na balukanu ya fioti-fioti yina nge lungisaka.—Lon 6:9
Ndima kuyikama ti mambu yina me soba. Mambu ya luzingu na beto ke sobaka, yo yina bandilu na beto mpi ke sobaka. Tadila diaka balukanu na nge mbala na mbala

8. Kulonguka ya Biblia ya Dibundu

(Min. 30) bt kapu 17 § 8-12, lupangu na lut. 155