25 NOVEMBRE–1^er DÉCEMBRE

BIMVWAMA YA NDINGA YA NZAMBI

1. Pesa Ntotila Yezu Maboko

(Min. 10)

Ntangu Yezu mataka na zulu, yandi vandaka na diboko ya kitata ya Yehowa (Nk 110:1; w06 1/10 29 § 6)

Na 1914, Yezu yantikaka kununga bambeni na yandi (Nk 110:2; w00 1/4 25 § 3)

Beto lenda kudipesa na luzolo yonso sambu na kupesa maboko na luyalu ya Yezu (Nk 110:3; be 76 § 2)

Bifwanisu: Mpangi-bakala mosi ya leke ke pesa maboko na luyalu ya Yezu . 1. Yandi ke tambusa mikro na lukutakanu ya dibundu. 2. Yandi ke sadisa mpangi-nkento mosi ya mununu yina kele na kiti ya bikata. 3. Yandi ke longuka Biblia. 4. Mpangi-bakala mosi ke pesa yandi formasio sambu na kulungisa mukumba mosi na dibundu.

KUDIYULA NDE: ‘Inki balukanu mono lenda kuditudila sambu na kumonisa nde mono ke pesa maboko na Kimfumu?’

2. Bimvwama ya Kimpeve

(Min. 10)

Nk 110:4—Tendula kuwakana yina verse yai ke tubila. (w14 15/10 11 § 15-17)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Nk 109:1-26 (th dilongi 2)

KUDIPESA NA KISALU YA BILANGA

4. Kuyantika Disolo

(Min. 2) NZO NA NZO. Sadila trakiti mosi sambu na kuyantika kusolula ti muntu. (lmd dilongi 4 kantu-diambu 3)

5. Tendula Balukwikilu na Nge

(Min. 5) Nsonga. ijwfq 23—Ntu-Diambu: Sambu na Nki Bambangi ya Yehowa Ke Kwendaka Ve na Bitumba? (lmd dilongi 4 kantu-diambu 4)

6. Kukumisa Bantu Balongoki

(Min. 5) lff dilongi 15 kantu-diambu 6 mpi Bantu ya Nkaka Ke Tubaka nde (lmd dilongi 11 kantu-diambu 3)

ZINGA MUTINDU BAKRISTU FWETE ZINGA

7. Inki Mutindu Beto Lenda Pesa Maboko na Kimfumu na Kwikama Yonso?

(Min. 15) Disolo ti Bawi.

Kifwanisu ya kele na video “Beno Landa Kupesa Maboko na ‘Mfumu ya Ngemba.’” Bampangi-babakala zole ke longa nsangu ya mbote mpi bo ke solula ti bakala mosi na kisika bo ke lobaka bambisi.

Kimfumu ya Yehowa ke monisaka kibeni nde yandi kele muntu yina ke yalaka zulu ti ntoto. (Dan 2:44, 45) Yo yina ntangu beto ke salaka yonso yina beto lenda sala sambu na kupesa maboko na Kimfumu yango, beto ke monisaka nde beto ke ndimaka kibeni nde luyalu ya Yehowa kele ya kuluta mbote.

Songa VIDEO Beno Landa Kupesa Maboko na “Mfumu ya Ngemba.” Na nima yula bawi ngiufula yai:

Inki mutindu beto ke pesaka maboko na kwikama yonso na Kimfumu ya Nzambi?

Mvutu na nge

Sonika verse mosi ya ke wakana ti mambu yai ya ke landa ya beto fwete sala sambu na kupesa maboko na Kimfumu ya Nzambi.

Kutula Kimfumu na kisika ya ntete na luzingu na beto.

Mvutu na nge
Kuzitisa minsiku ya bikalulu ya mbote yina bantu ya Kimfumu ya Nzambi fwete vanda ti yo.

Mvutu na nge
Kusonga bantu ti kikesa yonso mambu ya me tala Kimfumu.

Mvutu na nge
Kuzitisa bamfumu ya luyalu, kansi kulemfukila Nzambi kana bansiku ya Kaisali ke wakana ve ti bansiku ya Nzambi.

Mvutu na nge

8. Kulonguka ya Biblia ya Dibundu

(Min. 30) bt kapu 18 § 16-24