6-12 JANVIER
BANKUNGA 127-134
Nkunga 134 mpi Kisambu | Bangogo ya Luyantiku (Mun. 1)
1. Bibuti—Beno Landa Kukeba Makabu na Beno ya Mfunu Mingi
(Min. 10)
Bibuti fwete ndima nde Yehowa ta sadisa bo na kulungisa bampusa ya kinsuni ya mabuta na bo (Nk 127:1, 2)
Bana kele makabu ya mfunu mingi ya me katuka na Yehowa (Nk 127:3; w21.08 5 § 9)
Longa konso mwana na kutadila bampusa na yandi (Nk 127:4; w19.12 27 § 20)
Yehowa ke waka kiese ntangu bibuti ke tudilaka yandi ntima mpi ke salaka yonso sambu na kusansa bana na bo
2. Bimvwama ya Kimpeve
(Min. 10)
Nk 131:1, 2—Inki dilongi bibuti lenda baka na baverse yai? (w21.07 22 § 6)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 132:1-18 (th dilongi 2)
4. Kuyantika Disolo
(Min. 3) KIMBANGI YA DIBAKU YA MBOTE. (lmd dilongi 1 kantu-diambu 3)
5. Kuyantika Disolo
(Min. 4) KIMBANGI YA DIBAKU YA MBOTE. Muwi ke tubila kima mosi ya yandi ke kwikilaka kansi ya ke wakana ve ti malongi ya Biblia. (lmd dilongi 5 kantu-diambu 4)
6. Kukumisa Bantu Balongoki
(Min. 5) lff dilongi 16 tubantu-diambu 4-5. Solula ti longoki na nge bangidika ya nge me baka sambu yandi landa kulonguka ata nge kele ve. (lmd dilongi 10 kantu-diambu 4)
Nkunga 13
7. Bibuti—Keti Beno Mosi Beno Kele Mbandu ya Mbote Sambu na Bana?
(Min. 15) Disolo ti Bawi.
Organizasio ya Yehowa me basisaka malongi mingi kibeni sambu na kusadisa bibuti na kulonga bana na bo mambu ya Yehowa. Kansi, kima ya kuluta mbote kele nde bibuti bo mosi fwete pesa bana na bo mbandu ya mbote.—Kul 6:5-9.
Yezu sadilaka mbandu na yandi sambu na kulonga balongoki na yandi.
Tanga Yoane 13:13-15. Na nima yula bawi ngiufula yai:
Sambu na nki mbandu ya mbote yina Yezu vandaka kupesa vandaka mutindu ya mbote kibeni ya kulonga?
Mambu yina nge ke sala lenda sadisa bana na nge na kubakisa nde mambu yina nge ke longaka bo kele sambu na mambote na bo. Kana nge ke pesa bana na nge mbandu ya mbote, yo ta sala nde bo zitisa mambu yina nge ke longa bo mpi bo sadila yo.
Songa VIDEO Kupesa Bana Mbandu ya Mbote Yina Bo Ta Landa. Na nima yula bawi bangiufula yai:
Inki malongi ya mfunu mpangi Garcia ti nkento na yandi longaka bana na bo ya bankento?
Inki mutindu video yai ke sadisa nge na kulanda kupesa bana na nge mbandu ya mbote?
8. Kulonguka ya Biblia ya Dibundu
(Min. 30) bt kapu 20 § 13-20