28 AVRIL–4 MAI
BINGANA 11
Nkunga 90 mpi Kisambu | Bangogo ya Luyantiku (Mun. 1)
1. Kutuba Yo Ve!
(Min. 10)
Kutuba ve kima mosi ya lenda pesa “nkweno” na nge mpasi (Bin 11:9; w02-F 15/5 26 § 4)
Kutuba ve kima mosi ya lenda kabisa bantu (Bin 11:11; w02-F 15/5 27 § 2-3)
Kubasisa ve mambu ya kinsweki (Bin 11:12, 13; w20.03 21-22 § 12-13)
NGIUFULA YA KUYINDULA: Inki mutindu mambu yina Yezu tubaka ya kele na Luka 6:45 ke sadisaka beto na kutuba ve mambu ya mbi?
2. Bimvwama ya Kimpeve
(Min. 10)
Bin 11:17—Inki mambote beto ke bakaka kana beto kele mawete? (g20.1 11, lupangu)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Bin 11:1-20 (th dilongi 5)
4. Kuyantika Disolo
(Min. 4) KIMBANGI YA DIBAKU YA MBOTE. Sosa dibaku ya kusonga muwi kima mosi ya nge longukaka na lukutakanu mosi ya me katuka kusalama. (lmd dilongi 2 kantu-diambu 4)
5. Kulanda Mpusa
(Min. 4) KIMBANGI YA DIBAKU YA MBOTE. Songa video mosi ya kele na Bisadilu Sambu na Kulonga. (lmd dilongi 8 kantu-diambu 3)
6. Kukumisa Bantu Balongoki
(Min. 4) KIMBANGI NA BISIKA YA BANTU MINGI. Lomba muwi na kulonguka Biblia mpi songa yandi mutindu yo ke salamaka. (lmd dilongi 10 kantu-diambu 3)
Nkunga 157
7. Kubika Ve nde Ludimi na Nge Kuvanda Kima ya Ke Katulaka Ngemba
(Min. 15) Disolo ti Bawi.
Beto kele bantu ya kukonda kukuka, yo yina beto lenda bula sakuba ntangu beto ke tuba. (Yak 3:8) Kansi kana beto ke yindula mambu yina lenda salama na nima ya kutuba mambu ya mbi, yo ta sadisa beto na kutuba ve mambu yina ta sala nde beto kudiyangisa na nima sambu beto tubaka yo. Yai kele mitindu ya kutuba yina lenda katula ngemba na kati ya dibundu:
Kudikumisa ya mbi. Yo ke salamaka kana beto ke kudikumisa. Yo lenda pusa bantu ya nkaka na kusosa kutesana ti beto mpi kusala nde bo wila beto kimpala.—Bin 27:2
Kutuba luvunu. Yo ke tendula kaka ve kuta luvunu kansi mpi kutuba na luzolo yonso mambu ya lenda vidisa bantu nzila. Luvunu ata ya fioti lenda sala nde bantu kutudila beto diaka ve ntima mpi yo lenda bebisa lukumu na beto.—Lon 10:1
Kutonga. Yo kele kutuba mambu ya kukonda mfunu sambu na bantu mpi sambu na luzingu na bo, mambu yina kele ve ya masonga to yina ke basisa binsweki ya bantu. (1Tm 5:13) Kusala mpidina lenda basisa kuswana mpi kukabula bantu
Kutuba mambu na makasi. Yo kele kutuba mambu ya mbi kukonda kudiyala sambu na muntu yina me pesa beto makasi. (Efe 4:26) Kutuba ya mpidiyai lenda sala mpasi mingi na ntima.—Bin 29:22
Songa VIDEO “Beno Katula” Mambu Yina Ke Katulaka Ngemba—Kitini na Yo. Na nima yula bawi ngiufula yai:
Inki dilongi nge me baka na yina me tala mutindu mambu ya beto ke tubaka lenda katula kukonda mpasi ngemba na kati ya dibundu?
Sambu na kumona mutindu bampangi vutulaka ngemba, tala video “Sosa Ngemba mpi Landa Yo.”
8. Kulonguka ya Biblia ya Dibundu
(Min. 30) bt kapu 25 § 14-21