5-11 MAI

BIMVWAMA YA NDINGA YA NZAMBI

1. Kisalu ya Ngolo Ke Futaka

(Min. 10)

Kulutisa ve ntangu na kulanda bima ya kukonda mfunu (Bin 12:11)

Sala ngolo mpi vanda kikesa (Bin 12:24; w16.06 30 § 5)

Yehowa ta futa nge sambu na kisalu na nge ya ngolo (Bin 12:14)

Bifwanisu: Mpangi-bakala mosi ke sala ngolo kisalu ya kuyidika batiyo mpi yandi ke kudipesa na mambu ya kimpeve. 1. Yandi ke tambula ti bisadilu na yandi ya kuyidikila batiyo. 2. Yandi ke sadila pince sambu na kuyidika tiyo mosi ya nene. 3. Yandi kele na lukutakanu ya dibundu ti dibuta na yandi. Yandi ti mwana na yandi mosi ya leke ya nkento me tombula maboko na zulu sambu na kupesa mvutu. 4. Yandi ke sadila trakiti sambu na kulonga muntu mosi na kisika ya bo ke tekaka esanse.

NDONGISILA: Beto ke sepelaka kusala ngolo ntangu beto ke yindulaka mambote yina yo ke natilaka bantu ya nkaka.—Bis 20:35; w15 1/2 5 § 4-6.

2. Bimvwama ya Kimpeve

(Min. 10)

Bin 12:16—Inki mutindu verse yai lenda sadisa muntu na kuvanda ngolo ntangu yandi ke kutana ti bampasi? (ijwyp disolo 95 § 10-11)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Bin 12:1-20 (th dilongi 5)

KUDIPESA NA KISALU YA BILANGA

4. Kuyantika Disolo

(Min. 2) NZO NA NZO. (lmd dilongi 1 kantu-diambu 4)

5. Kuyantika Disolo

(Min. 3) NZO NA NZO. Lomba muwi na kulonguka Biblia ti nge. (lmd dilongi 5 kantu-diambu 4)

6. Kulanda Mpusa

(Min. 3) KIMBANGI YA DIBAKU YA MBOTE. Songa muntu mosi yina kele ti bana site Internet na beto. (lmd dilongi 9 kantu-diambu 3)

7. Tendula Balukwikilu na Nge

(Min. 3) Nsonga. ijwfq disolo 3—Ntu-Diambu: Keti Bambangi ya Yehowa Ke Kwikilaka nde Dibundu na Bo Mpamba Kele ya Kieleka? (lmd dilongi 4 kantu-diambu 3)

ZINGA MUTINDU BAKRISTU FWETE ZINGA

8. Yehowa Ke Sadisaka Beto Ntangu Beto Kele na Mpasi ya Mbongo

(Min. 15) Disolo ti Bawi.

Keti nge ke kudiyangisa nde nge ta zwa ve kisalu, nde kisalu na nge lenda fwa to nde nge ta kuka ve kuzwa mbongo ya me fwana sambu na kusansa dibuta na nge bubu yai to ntangu nge ta kuma mununu? Mambu ya mbongo na nsi-ntoto yai lenda soba nswalu. Kansi, Yehowa ke ndimisa beto nde yandi ta landa kulungisa bampusa na beto kana beto ke tula yandi na kisika ya ntete na luzingu na beto. Nkutu, yandi ta landa kusala yo ata ntangu nsoba mosi ya kintulumukina me sala nde beto kuma na mpasi ya mbongo.—Nk 46:1-3; 127:2; Mat 6:31-33.

Kifwanisu ya kele na video “Yehowa Ke Bikaka Beto Ve na Ntangu ya Mpasi.” Mpangi Alvarado me simba diboko ya nkento na yandi ntangu yandi ke samba sambu na dibuta na yandi.

Songa VIDEO Yehowa Ke Bikaka Beto Ve na Ntangu ya Mpasi. Na nima yula bawi ngiufula yai:

Mbandu ya mpangi Alvarado me longa nge nki?

Mvutu na nge

Tanga 1 Timoteo 5:8. Na nima yula bawi ngiufula yai:

Inki mutindu verse yai ke ndimisa nge diaka mpenza nde Yehowa ta landa kulungisa bampusa ya bansadi na yandi?

Mvutu na nge

Tadila mwa minsiku yai ya Biblia ya lenda sadisa nge ntangu nge kele na mpasi ya mbongo:

Vanda ti luzingu ya kukonda mindondo. Kukota ve bamfuka ya kukonda mfunu mpi kusala ve badepanse mpamba-mpamba.—Mat 6:22
Baka balukanu ya mbote yina ta sadisa nge na kutula mambu ya kimpeve na kisika ya ntete ntangu nge ke tadila kana nge fwete sala kisalu mosi buna to kana nge ta sala banzo-nkanda ya nda to ve.—Fil 1:9-11
Vanda ya kudikulumusa mpi sala bansoba. Kana kisalu na nge me fwa, sala bisalu ya nkaka yina ta sadisa nge na kulungisa bampusa ya dibuta na nge. Sala ata bisalu yina bantu ya nkaka ke mona bonso nde yo kele ya mpamba-mpamba.—Bin 14:23
Vanda ti kikalulu ya kukaba ata nge kele ve ti bima mingi.—Ebr 13:16

9. Kulonguka ya Biblia ya Dibundu

(Min. 30) bt kapu 26 § 1-8, balupangu na balut. 234, 238