Vanda Kikesa Ata Ntangu Bantu Ke Pusa Nge na Kusala Mambu ya Mbi

Tanga Yeremia 38:1-13 sambu na kubaka malongi na kikesa yina profete Yeremia ti tongu Ebedi-meleki monisaka.

Longuka mbote-mbote mambu ya kele na ntwala mpi na nima ya baverse yai. Sambu na nki yo lombaka nde Yeremia kuvanda kikesa sambu na kuzabisa bantu ya Izraele nsangu ya Yehowa? (Yer. 27:12-14; 28:15-17; 37:6-10) Inki bo salaka ntangu bo waka mambu yina Yeremia tubaka?​—Yer. 37:15, 16.

Sala bansosa mbote-mbote. Bantu vandaka kupusa Yeremia na kusala nki? (jr 26-27 § 20-22) Sosa kuzaba mutindu mabulu ya masa ya ntangu ya ntama vandaka. (it-1-F 483-484) Mbala ya nkaka Yeremia kudiwaka nki mutindu ntangu bo losaka yandi na dibulu ya masa yina vandaka ti poto-poto? Mbala ya nkaka Ebedi-meleki vandaka kuwa boma ya nki?​—w12-F 1/5 31 § 2-3.

Baka malongi. Kudiyula nde:

• ‘Disolo yai ke longa mono nki na yina me tala mutindu Yehowa ke taninaka bansadi na yandi ya kwikama?’ (Nk. 97:10; Yer. 39:15-18)

• ‘Na mambu ya nki mutindu yo ta lomba nde mono vanda kikesa?’

• ‘Inki mono lenda sala sambu na kukuma diaka ti kikesa mingi ya kusala mambu ya mbote ntangu bantu ke pusa mono na kusala mambu ya mbi?’ (w11-F 1/3 30)a