Bo Zwaka “Diyaka ya Ntalu Mingi”

Yezu tubaka nde Kimfumu ya Nzambi ta manisa bampasi yonso ya bantu. (Matayo 6:10) Na Matayo 13:44-46, Yezu pesaka bambandu zole ya ke landa sambu na kumonisa nde kieleka na yina me tala Kimfumu ya Nzambi kele kibeni mfunu:

• Muntu mosi vandaka kusala na kilanga mpi kukonda kukana, yandi monaka kima mosi ya ntalu ya vandaka ya kubumbana.

• Muntu mosi ya mumbongo vandaka kusosa mayaka ya kitoko, yandi monaka diyaka mosi ya ntalu mingi.

Bantu yina zole tekaka na kiese yonso bima yina bo vandaka ti yo sambu na kusumba bima ya ntalu yina bo monaka. Bantu yai ke monisa bantu yina ke bakaka Kimfumu na valere ya mingi. Yo yina bo ke salaka bikesa ya mingi sambu na kubaka mambote ya Kimfumu yango. (Luka 18:29, 30) Na video yai, tala disolo ya bakala mosi ti nkento mosi yina kele bonso bantu yina Yezu tubilaka na mbandu na yandi.