Mambu Yina Kimfumu ya Nzambi Ta Sala Sambu na Maladi

Na Kintete 22 mai 2023, doktere Tedros Adhanom Ghebreyesus ya kele ntwadisi ya ntete ya Kimvuka Yina Ke Talaka Mambu ya Sante na Ntoto ya Mvimba tubaka nde: “Beto fwete yindula ve nde sambu COVID-19 ke fwa diaka ve bantu mingi na ntoto, nde yo kele diaka ve kigonsa sambu na sante ya bantu. Ntembe kele ve nde na bilumbu ke kwisa kipupa ya nkaka ta kwisa mpi beto fwete vanda ya kuyilama sambu na yo.”

Tii bubu yai, bantu mingi sante ke yangisa bo to bo ke niokwama na mabanza sambu na maladi yai ya COVID-19. Keti baguvernema mpi bimvuka ya ke landilaka mambu ya sante ta vanda ya kuyilama sambu na bipupa ya bilumbu ke kwisa? Keti bo ta kuka kusadisa beto na kunwanisa bamaladi ya beto kele na yo bubu yai?

Biblia ke tubilaka guvernema mosi yina ta manisa maladi. Yo ke tuba nde “Nzambi ya zulu ta tula kimfumu mosi” to guvernema mosi. (Daniele 2:44) Ntangu kimfumu yina ta baka mambu na maboko, “ata muntu mosi ve ya ke zingaka na insi ta tuba nde: ‘Mono ke bela.’” (Yezaya 33:24) Bantu yonso ta vanda ti sante ya mbote mpi ta vanda ngolo na nitu bonso ntangu bo vandaka baleke.—Yobi 33:25.