Keti Bambangi ya Yehowa Ke Salaka Kisalu ya Kimisionere?

Ee. Konso kisika yina beto ke zingaka, beto yonso ke salaka bikesa bonso bamisionere: Beto ke zabisaka mbala na mbala bantu yina beto ke kutanaka ti bo mambu yina beto ke kwikilaka.​—Matayo 28:19, 20.

Diaka, Bambangi ya Yehowa ya nkaka ke kwendaka na babwala ya nkaka ya insi na bo, bisika yina bantu mingi ke vandaka ti mpusa ya kuwa nsangu ya mbote ya Biblia. Bambangi ya nkaka ke kwendaka na bansi ya nzenza sambu na kusala diaka mingi na kisalu ya kusamuna. Bo ke vandaka na kiese ya kulungisa mambu yai Yezu tubaka na ntwala nde: “Beno ta vanda bambangi na mono . . . tii na kisika ya kuluta ntama ya ntoto.”​—Bisalu 1:8.

Na mvu 1943, beto salaka nzo-nkanda sambu na kulonga bamisionere ya nkaka. Banda ntangu yina, Bambangi kuluta 8000 me kotaka nzo-nkanda yai ya bo ke bingaka Gileadi, Nzo-Nkanda ya Biblia ya La Société Watchtower.