NDAMBU YA 2
Yantika na Mvula ya Ngolo tii Kukatuka na Kimpika ya Bana ya Israele na Egypte
Kaka bantu nana mpamba kugulukaka na Mvula ya Ngolo, kansi na nima, bantu kumaka mingi na ntoto. Abraham kubutukaka bamvula 352 na nima ya Mvula ya Ngolo. Nzambi kulungisaka lusilu na yandi ya kupesa yandi mwana ya bakala Isaac. Na bana zole yina Isaac butaka, Nzambi solaka Jacob.
Jacob kubutaka bana ya babakala 12 mpi bana ya bankento. Na kati na bau, bana 10 ya babakala mengaka leke na bau Joseph. Bau tekaka yandi na kimpika na Egypte. Na nima, Joseph kukumaka muntu ya nene ya insi ya Egypte. Na nsungi ya nzala, yandi mekaka bampangi na yandi sambu na kuzaba kana bau sobaka ntima na bau. Na nima ya mwa ntangu, dibuta yonso ya Jacob; bana ya Israele kwendaka na Egypte. Mambu yina kusalamaka bamvula 290 na nima ya lubutuku ya Abraham.
Na bamvula 215 yina kulandaka, bana ya Israele kuzingaka na Egypte. Na nina ya lufwa ya Joseph, bau kumaka bampika. Na nima Moïse kubutukaka, mpi Nzambi kusadilaka yandi sambu na kugulusa bantu ya Israele na Egypte. Ndambu ya ZOLE ketubila mambu yina kusalamaka na nsungi ya bamvula 857.