Yantika Kimpika na Babilone tii na Kutungama ya Lupangu ya Yerusaleme

Na kimpika na bau na Babilone lukwikilu ya bana ya Israele mekamaka mbala mingi. Yau yina, Sadrak, Mesak na Abednego losamaka na fulu ya tiya ya ngolo, kansi Nzambi gulusaka bau. Na nima ya Baperse na Bamedes kubakaka Babilone, Daniel losamaka na dibulu ya bankosi, kansi Nzambi gulusaka yandi.

Ntotila ya Baperse, Syrus, pesaka kimpwanza na bana ya Israele, mpi bau vutukaka na ntoto na bau bamvula 70 na nima. Ntangu bau kumaka na Yerusaleme, mabanza na bau ya ntete vandaka na kutunga dyaka tempelo. Kansi bambeni na bau yunsaka na kusukisa bisalu yina. Tempelo manaka na kutunga bamvula 22 na nima ya kuvutuka na bau.

Beto tatubila na nima sambu na nzyetolo ya Esdras kusalaka na Yerusaleme sambu na kwisa kutomisa tempelo. Yandi kumaka bamvula 47 na nima ya nzo ya Nzambi manaka na kutunga. Bamvula 13 na nima ya nzyetelo ya Esdras, Néhemi kumaka mpi yandi pesaka lusadisu na kutungama ya lupangu ya Yerusaleme. Ndambu yai ya TANU ketubila mambu kubwaka na nsungi ya bamvula 152.