“Kulonga . . . mpi Kusamuna Nsangu Ya Mbote”

Yandi vandaka sharpantie. Yandi salaka mambu ya kuyituka. Yandi belulaka bambefo. Yina kele mwa mambu yina Yezu salaka. Kansi ntangu bantu vandaka kusolula ti yandi, bo vandaka kubinga yandi Longi. Ya kieleka, kisalu ya kuluta mfunu yina yandi salaka awa na ntoto vandaka “kulonga bantu . . . mpi kusamuna nsangu ya mbote.” (Matayo 4:23) Sambu beto kele balongoki ya Yezu, beto fwete sala mpi kisalu yina. Na kitini yai, beto ta longuka mbandu na yandi. Mbandu yango ke songa beto mutindu ya kusala kisalu yango.