Kikalulu ya Bumbote

1. Kuzaba bumbote’a Nzambi

Kele kyese kibeni.

Tata na beto ke mbote

Na banzila na yandi.

Ya kemonisilaa beto

Mawa ya nene mpenza;

Beto fwete kusambila

Yandi na kyese mpenza.

2. Yandi mesalaka beto

Na kifwani na yandi

Sa be vanda ti bumbote

Mpi be fulula yandi.

Bika beto kuyedisa

Mpi bumbote na yandi.

Sa be buta mbuma’a mpeve

Beto fwe samba Nzambi.

3. Beto fwete kusadila

Bantu yonso bumbote—

Kansi ya kuluta mingi

Na bampangi’a kimpeve.

Yo yina beto fwe longa

Na bantu yonso Ndinga.

Bika bumbote na beto

Kuvanda ya kukuka.