Ezekiele​—Luzingu mpi Bilumbu na Yandi

Zina Ezekiele ke tendula “Nzambi Ke Pesaka Kikesa.” Ata bambikudulu ya Ezekiele kele ti balukebisu mingi, nsangu na yandi ke wakana ti ntendula ya zina na yandi mpi yo ke kumisaka ngolo lukwikilu ya bantu yina ke zolaka kupesa Nzambi lusambu ya bunkete.

BAPROFETE YINA ZINGAKA NTANGU MOSI TI YANDI

• 

  YEREMIA,

  butukaka na dibuta ya banganga-nzambi, salaka mingi na Yeruzalemi (647-580 N.T.B.)

• 

  HULDA

  salaka ntangu bo monaka mukanda ya Nsiku na tempelo pene-pene ya mvu 642 N.T.B.

• 

  DANIELE,

  muntu ya dikanda yina vandaka kuyala na Yuda, bo nataka yandi na Babilone na 617 N.T.B.

• 

  HABAKUKI

  ziku yandi salaka na Yuda na luyantiku ya luyalu ya Yehoyakimi

• 

  OBADIA

  bikulaka sambu na Edomi, ziku na ntangu yina bo fwaka Yeruzalemi

INKI NTANGU BO BIKULAKA? (BADATI YONSO KELE N.T.B.)

MAMBU YA MFUNU YA LUZINGU YA EZEKIELE (BADATI YONSO KELE N.T.B.)

1. pene-pene ya 643: Me butuka

2. 617: Bo me nata yandi na kimpika na Babilone

3. 613: Me yantika kubikula, me mona mbona-meso ya Yehowa

4. 612: Me mona mbona-meso ya mambu ya luvunu na tempelo

5. 611: Me yantika kumonisa mambu ya mbi ya Yeruzalemi

6. 609: Me fwisa nkento mpi bo me yantika kuziunga Yeruzalemi na mbala ya nsuka

7. 607: Bo me songa yandi mambu ya ke ndimisa nde bo me fwa Yeruzalemi

8. 593: Me mona mbona-meso ya tempelo

9. 591: Ke tubila mutindu Nebukadenezare ta nwanisa Ezipte; me manisa kusonika mukanda na yandi

BANTOTILA YA YUDA MPI YA BABILONE

1. 659-629: Yoziasi me vutula lusambu ya bunkete kansi yandi me fwa na mvita yina yandi nwanaka ti Farao Neko

2. 628: Yehoahazi me yala na mutindu ya mbi bangonda tatu mpi Farao Neko me nata yandi na kimpika

3. 628-618: Yehoyakimi kele ntotila ya mbi mpi Farao Neko me tula yandi na nsi ya kiyeka na yandi

4. 625: Nebukadenezare me bedisa basoda ya Ezipte

5. 620: Nebukadenezare me nwanisa Yuda na mbala ya ntete mpi yandi me tula Yehoyakimi na nsi ya kiyeka na yandi

6. 618: Yehoyakimi me kolama na Nebukadenezare, ziku yandi me fwa ntangu bantu ya Babilone me nwanisa Ntoto ya Lusilu na mbala ya zole

7. 617: Yehoyakini, yina bo ke bingaka mpi Yekonia, kele ntotila ya mbi yina yalaka bangonda tatu mpi na nima yandi me ndima kusadila Nebukadenezare

8. 617-607: Sidikiya, ntotila ya mbi yina kondaka kikesa mpi vandaka kuwa bantu boma, Nebukadenezare me tula yandi na nsi ya kiyeka na yandi

9. 609: Sidikiya me kolama na Nebukadenezare, na nima yandi me nwanisa Yuda na mbala ya tatu

10. 607: Nebukadenezare me fwa Yeruzalemi, me kanga Sidikiya, me tobula yandi meso mpi me nata yandi na Babilone