Inki Nge Me Simba na Kitini 4?

Beno tanga Bingana 13:20.

• Sambu na nki nge fwete pona mbote banduku na nge?

  (Tala Dilongi 48.)

Inki bandongisila ya Biblia lenda sadisa nge kana nge kele . . .

• bakala to nkento ya me kwelaka?

• kibuti to mwana?

  (Tala Dilongi 49 mpi 50.)

Kutuba ya nki mutindu ke sepedisaka Yehowa mpi kutuba ya nki mutindu ke sepedisaka yandi ve?

Inki minsiku ya Biblia lenda sadisa nge na kulwata mpi kuyidika nitu mbote?

Inki lenda sadisa nge na kupona bansaka yina ke sepedisaka Yehowa?

Beno tanga Matayo 24:45-47.

• Nani kele “mpika ya kwikama mpi ya mayele”?

  (Tala Dilongi 54.)

Inki mutindu nge lenda sadila ntangu, ngolo mpi bima ya nge kele ti yo sambu na kusadisa dibundu?

Beno tanga Nkunga 133:1.

• Tanga mwa mambu ya nge lenda sala sambu na kutanina bumosi mpi ngemba ya dibundu.

  (Tala Dilongi 56.)

Inki beto fwete sala sambu na kubaka lusadisu ya Yehowa kana beto me sala disumu ya nene?

Beno tanga 1 Bansangu 28:9 mpi noti na nsi ya lutiti.

• Inki mutindu nge lenda monisa nde nge me ‘kudipesaka ya mvimba’ na Yehowa ata ntangu bantu ya nkaka ke telemina lusambu ya kieleka to me yambula yo?

• Inki mambu nge fwete yambula sambu na kulanda kukangama na Yehowa mpi kukabwana ti mabundu ya luvunu?

  (Tala Dilongi 58.)

Inki mutindu nge lenda kudibongisa sambu na konso mpasi yina bantu lenda pesa nge?

Inki mambu nge fwete sala sambu na kulanda kukumisa kinduku na nge ti Yehowa ngolo?