LANDA MPUSA
DILONGI 8
Vanda Ntima-Nda
Munsiku: “Zola kele ntima-nda.”—1 Bak. 13:4.
Mambu ya Yezu Salaka
1. Tala VIDEO, to tanga Yoane 7:3-5 mpi 1 Bakorinto 15:3, 4, 7. Na nima, tadila bangiufula yai:
Inki mambu bampangi ya Yezu salaka ntete ntangu yandi longaka bo nsangu ya mbote?
Inki ke monisa nde Yezu landaka kusadisa mpangi na yandi Yakobo?
Mbandu ya Yezu Ke Longa Beto Inki?
2. Beto fwete vanda ntima-nda sambu bantu ya nkaka ke ndimaka ve mbala mosi nsangu ya mbote.
Landa Mbandu ya Yezu
3. Meka metode ya nkaka. Kana muntu me ndima ve na mbala mosi kulonguka Biblia, kupusa yandi ve na kingolo-ngolo. Kana mpila kele, sadila bavideo to masolo ya nkaka sambu na kusadisa yandi na kuzaba mbote mutindu kulonguka ya Biblia ke salamaka mpi mambote yina yo ta natila yandi.
4. Kufwanisa yandi ve ti muntu ya nkaka. Konso muntu kele na mpila na yandi. Kana muntu mosi ya dibuta to muntu mosi ya nge ke vutukila me ndima ve kulonguka Biblia to yandi ke ndima ve dilongi mosi ya Biblia, sosa kuzaba sambu na nki. Keti yo kele ti dilongi mosi ya yandi ke ndimaka mpi ya kele mfunu mingi sambu na yandi? Keti bampangi na yandi ya dibuta to bantu ya kartie ke buyisa yandi? Bikila yandi ntangu ya kuyindula mambu ya nge me tuba mpi ya kumona mfunu ya mambu yina Biblia ke tuba.
5. Samba sambu na muntu ya me monisa mpusa. Lomba Yehowa na kusadisa nge sambu nge landa kutadila muntu yina na mutindu ya mbote mpi nge tuba ve kima yina ta lwadisa yandi. Samba yandi sambu yandi sadisa nge na kuzaba inki ntangu nge lenda zenga kusolula ti muntu yina ke monisa kibeni ve mpusa.—1 Bak. 9:26.