Lukutakanu ya Distrike 1996: “Binati-Nsangu ya Ngemba ya Nzambi”

NA NTANGU ya ntama, bantu vandaka kuta bankinsi tatu ya nene konso mvula. Mutindu mosi na ntangu na beto, bantu ya zina ya Yehowa kevukanaka mbala tatu na mvula, na baokazio ya nkinsi. Bau kesepelaka kuvukana na lukutakanu ya sipesiali ya kilumbu mosi, lukutakanu ya nzyunga ya bilumbu zole, mpi lukutakanu ya distrike ya bilumbu tatu to iya. Na mvula yai, ntu-dyambu ya lukutakanu ya distrike kele “Binati-nsangu ya Ngemba ya Nzambi.”

Ntu-dyambu ya kufwana ya inki mutindu! Nzambi na beto, Yehowa, kele “Nzambi ya ngemba,” ee, “Nzambi yina ke pesaka ngemba.” Ntwadisi na beto, Yezu Kristu, kele “Mfumu ya Ngemba,” mpi nsangu yina bansadi ya Yehowa kenataka kele nsangu ya ngemba ya Nzambi. (Filipi 4:9; Roma 15:33; Yezaya 9:5; Nahumi 1:15) Manaka mosi ya kitoko ya lukutakanu mebongisama, yau tasadisa bantu yonso na kundima mbotembote mfunu ya ngemba ya Nzambi.

Na mvula yai, kaka na Burundi, Congo mpi Zaïre, balukutakanu ya distrike 42 tasalama. Mbala ya nkaka mosi takondana ve kuvanda na nzyunga na nge. Sambu na inki kuyula ve Bambangi ya Yehowa yina kele mfinama na nge na kuzaba dati mpi kifulu yau tasalama mpi kudibongisa sambu na kuvanda pana? Bantu yonso yina ketulaka dikebi na ngemba ya kyeleka, ya kimakulu tayambama ti tiya yonso.

[Lupangu ya kele na lutiti 1]

Keti Nge Tazola Mvutukilu Mosi?

Ata na kati ya inza yai ya mavwanga, nge lenda kubaka kyese na nsadisa ya nzayilu ya kyeleka ya Biblia kepesa na yina ketala Nzambi, Kimfumu na yandi mpi lukanu ya kitoko ya yandi kusalaka sambu na bantu. Kana nge tazola kuzaba mambu ya nkaka to nge tazola nde muntu mosi kwisa kulonguka ti nge Biblia ya ofele na inzo, beto kelomba nge na kusonika na Association “Les Témoins de Jéhovah,” B.P.634 Limete, Kinshasa, Zaïre, to na mosi na adresi mebonga na nge yina kele na lutiti 2.