Watchtower MIKANDA YA KE NA INTERNET
Watchtower
MIKANDA YA KE NA INTERNET
Kikongo (Rép. dém. du congo)
  • BIBLIA
  • MIKANDA
  • BALUKUTAKANU
  • w15 1/10 lut. 3
  • Sambu na Nki Bantu Ke Sambaka?

Kele ve ti video sambu na mambu ya nge ke sosa.

Kifu me salama na ntangu ya kubaka video.

  • Sambu na Nki Bantu Ke Sambaka?
  • Nzozulu ya Nkengi Kesamunaka Kimfumu ya Yehowa—2015
  • Mambu ya Mutindu Mosi
  • Kufinama na Nzambi na Nzila ya Kisambu
    Inki Nzambi Kelombaka na Beto?
  • Kisambu Kele Dikabu
    Inki Biblia Ke Longa Beto?
  • Kwenda Pene-Pene na Nzambi na Nzila ya Kisambu
    Zinga Mvula na Mvula!—Kulonguka ya Biblia Yina Ta Natila Nge Mambote
  • Inki Mutindu Nge Lenda Ndima nde Nzambi Ta Wa Bisambu na Nge?
    Nzozulu ya Nkengi Ke Samunaka Kimfumu ya Yehowa (Nimero ya Bantu Yonso)—2021
Tala Mambu Mingi
Nzozulu ya Nkengi Kesamunaka Kimfumu ya Yehowa—2015
w15 1/10 lut. 3

DISOLO YINA KELE NA LUTITI YA ZULU | KETI YO KELE MFUNU NA KUSAMBA?

Sambu na Nki Bantu Ke Sambaka?

“Mono vandaka kubula bansaka ya mbongo ngolo. Yo yina, mono vandaka kusamba sambu na kununga mpi kuzwa mbongo mingi. Kansi, mambu vandaka kusalama ve mutindu yina.”​—Samuel,a na Kenya.

“Na nzo-nkanda, beto vandaka kuvutukila mbala na mbala bisambu yina bo longaka beto.”​—Teresa, na Philippines.

“Mono vandaka kusamba ntangu mono vandaka kukutana ti bampasi. Mono vandaka kusamba sambu na kulomba ndolula ya masumu mpi kuvanda Mukristu ya mbote.”​—Magdalene, na Ghana.

1. Muntu mosi ke samba na ntwala ya mesa ya bo ke bulaka nsaka ya mbongo; 2. Mwana mosi ya nkento ke samba na nzo-nkanda; 3. Nkento mosi

Mambu ya Samuel, Teresa, mpi Magdalene tubaka ke monisa nde bantu ke sambaka sambu na bikuma mingi, mpi bikuma ya bisambu ya bantu ya nkaka ke vandaka mbote kuluta ya bankaka. Bantu mingi ke sambaka na masonga yonso, kansi bankaka ke sambaka zulu-zulu. Yo vanda bantu ke samba sambu na kununga na ekzame, sambu ekipi na bo ya nsaka kununga, sambu na kusosa lutwadisu ya Nzambi na mabuta na bo to sambu na bikuma ya nkaka, bantu mingi ke monaka nde kusala kisambu kele mfunu. Bansosa ke monisa nkutu nde bantu yina ke kwendaka ve na nzo-nzambi ke sambaka mbala na mbala.

Keti nge ke sambaka? Kana ee, nki mambu nge ke lombaka na kisambu? Yo vanda nge ke sambaka to ve, nge lenda kudiyula nde: ‘Keti yo kele mpenza mfunu na kusamba? Keti kele ti muntu ya ke waka bisambu?’ Nsoniki mosi tubaka nde kisambu kele kaka “mutindu mosi ya lusansu . . . bonso kutuba ti mbisi mosi ya nge ke sansaka.” Minganga ya nkaka ke ndimaka dibanza yai mpi ke tubaka nde kisambu kele bonso “kusansa muntu ti bankisi ya banti.” Keti bantu ke salaka kisambu kaka bika bo sala to bo ke bakilaka yo mambote?

Biblia ke monisaka nde kisambu ke tendulaka mambu mingi mpi nde yo ke sukaka ve kaka na kulembika bantu. Biblia ke zabisa beto nde muntu mosi ke waka bisambu na beto kana beto ke samba na mutindu ya mbote mpi ke lomba mambu yina ke wakana ti luzolo na yandi. Keti mambu yai kele ya kieleka? Bika beto tadila mambu ya ke monisa yo.

a Beto me soba bazina ya nkaka.

    Mikanda ya Kikongo (1982-2025)
    Basika
    Kota
    • Kikongo (Rép. dém. du congo)
    • Kabula
    • Mambu ya Nge Me Zola
    • Copyright © 2025 Watch Tower Bible and Tract Society of Pennsylvania
    • Bantuma ya Kulanda na Ntwala ya Kusadila
    • Bansiku ya Ke Tadila Kinsweki
    • Paramètres de confidentialité
    • JW.ORG
    • Kota
    Kabula