Inki Mambu Biblia Ke Tubaka?

Keti dibundu kele kima ya bantu me salaka?

BANTU YA NKAKA KE TUBAKA nde dibundu kele kima ya bantu me salaka; bankaka ke tubaka nde Nzambi ke sadilaka dibundu sambu na kubenda bantu na kukwenda pene-pene na yandi.Inki kele dibanza na ge?

MAMBU YINA BIBLIA KE TUBAKA

Kele ti dibundu to “lusambu ya bunkete mpi ya kukonda mvindu na meso ya Nzambi mpi Tata na beto.” (Yakobo 1:27) Dibundu ya bunkete to ya kieleka ke katukaka na Nzambi.

MAMBU YA NKAKA YA BETO KE LONGUKA NA BIBLIA

• Sambu dibundu mosi kusepedisa Nzambi, yo fwete simbama na kieleka ya Biblia.—Yoane 4:23, 24.

• Mabundu yina me simbama na bangindu ya bantu kele mfunu ve.—Marko 7:7, 8.

Keti yo kele mfunu na kuvanda na dibundu mosi?

INKI MVUTU NGE TA PESA?

• Ee

• Ve

• Konso muntu ke tadilaka yo na mutindu na yandi

MAMBU YINA BIBLIA KE TUBAKA

“Beto tudila bankaka dikebi sambu na kupusa bo na kumonisa zola mpi na kusala bisalu ya mbote, beto yambula ve kuvukana kumosi.” (Baebreo 10:24, 25) Nzambi ke zolaka nde bansadi na yandi kuvukana na kimvuka mosi ya kele na ndonga.

INKI MAMBU YA NKAKA BETO LENDA LONGUKA NA BIBLIA?

• Bantu yina ke sambila Nzambi kisika mosi fwete vanda na bumosi na mambu ya bo ke kwikilaka.—1 Bakorinto 1:10, 11.

• Bantu ya dibundu yina Nzambi ke ndimaka kele na dibuta ya bampangi ya ntoto ya mvimba.—1 Piere 2:17.