Inki Mambu Biblia Ke Tubaka?

Keti Nzambi muntu kele na kisina ya bampasi?

Inki mvutu nge ta pesa?

• Ee

• Ve

• Mbala ya nkaka

Mambu yina Biblia ke tubaka

“Ngindu lenda kwisila ve ata fioti Nzambi ya kieleka na kusala mambu na nku yonso, ngindu lenda kwisila ve ata fioti Nkwa-Ngolo Yonso na kusala mambu ya mbi!” (Yobi 34:10) Nzambi kele ve ata fioti na kisina ya mambi ti ya bampasi yina beto ke mona na nsi-ntoto.

Inki mambu ya nkaka beto lenda longuka na Biblia?

• Satana Diabulu, “mfumu ya nsi-ntoto,” muntu kele na kisina ya bampasi.—Yoane 14:30.

• Bampasi ti mambi ke katukaka mpi mbala mingi na balukanu ya mbi yina bantu ke bakaka.—Yakobo 1:14, 15.

Keti kilumbu kele bampasi ta mana?

Bantu ya nkaka ke kwikilaka nde bantu lenda manisa bampasi kana bo yonso kusala bikesa, kansi bankaka ke ndimaka ve nde bampasi yonso ya nsi-ntoto ta mana mpi mambu yonso ta kuma mbote. Inki kele dibanza na nge?

Mambu yina Biblia ke tubaka

Nzambi ta manisa bampasi. “Lufwa ta vandaka diaka ve; mawa, bidilu, mpi mpasi ta vandaka diaka ve.”—Kusonga 21:3, 4.

Inki mambu ya nkaka beto lenda longuka na Biblia?

• Nzambi ta sadila Yezu sambu na kumanisa bampasi yina Diabulu me nataka.—1 Yoane 3:8.

• Bantu ya mbote ta zinga na ntoto kimakulu mpi na ngemba.—Nkunga 37:9-11, 29.