Mpangi ya Mpa na Nto-Kimvuka

NA Kitatu Yanuari 24, 2018 na suka, bo pesaka luzayisu ya mfunu na dibuta ya Betele ya États-Unis mpi ya Canada nde: Mpangi Kenneth Cook, me kuma mpangi ya Nto-Kimvuka ya Bambangi ya Yehowa.

Mpangi Cook butukaka mpi yelaka na Pennsylvanie na États-Unis. Nduku na yandi ya nzo-nkanda muntu longaka yandi kieleka kaka ntangu yandi kumaka pene-pene ya kumanisa nzo-nkanda mpi yandi bakaka mbotika na Yuni 7, 1980. Yandi kumaka mupasudi-nzila ya ntangu yonso na Septembri 1, 1982. Na nima ya bamvula zole, bo bingaka yandi na Betele mpi yandi yantikaka kisalu na Wallkill, na provense ya New York, na Oktobri 12, 1984.

Na bamvula 25 yina landaka, mpangi Cook salaka na bisika mingi, na kisika ya Kuniema Mikanda mpi na Biro ya Betele. Yandi kwelaka Jamie, na 1996 mpi bo zole kumaka kusala na Betele na Wallkill. Na Desembri 2009, bo tindaka mpangi Cook ti nkento na yandi na kusala na Nzo ya Malongi ya Bambangi ya Yehowa, na Patterson, na New York, kuna yandi vandaka kusala na Biro ya Ke Pesaka Bamvutu na Bangiufula ya Biblia (service du courrier biblique). Na Aprili 2016, bo vutukaka sambu na ntangu fioti na Betele ya Wallkill, mpi na nima bo tindaka bo na Brooklyn, na New York. Na nima ya bangonda tanu, bo kwendaka kusala na babiro ya ke twadisaka kisalu na beto na ntoto ya mvimba na Warwick, na New York. Na Yanuari 2017, mpangi Cook kumaka nsadisi na Komite Sambu na Kusonika ya Nto-Kimvuka.