Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Yuni

“Bantu mingi ya beto me solula ti bo ke zola ngemba na ntoto. Kansi bitumba ke mana ve. Na dibanza na nge, sambu nki nsi-ntoto kele ve na ngemba?” Bika muntu yango kupesa mvutu. Na nima, songa yandi lutiti ya nsuka ya Nzozulu ya Nkengi, mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Noti: Beno fwete sala nsonga yai na lukutakanu sambu na kisalu ya bilanga ya Yuni 1.

Nzozulu ya Nkengi Yuni 1

“Beto ke na kutala bantu ya ndambu yai sambu na kutubila dikambu mosi ya ke kumina beto yonso. Bantangu ya nkaka, bantu mingi me kutanaka ti bantu yina ya ke mengaka bo. Nge ke yindula nde kele ti kisika mosi na nsi-ntoto yina bo ke mengaka ve bantu? [Bika muntu yango kupesa mvutu.] Tala mutindu Nzambi ke tadilaka bantu. [Tanga Bisalu 10:34.] Zulunalu yai ke tubila mutindu Nzambi ta manisa kimakulu kikalulu ya kumenga bantu.”

Réveillez-vous ! Yuni

“Beto ke na mfunu ya kuzaba dibanza na nge sa na diambu mosi. Konso muntu ke zolaka luzingu mosi ya mbote. Nge ke yindula nde beto le zinga mbote kana beto ke sumba bima mingi ya kinsuni? [Bika muntu yango kupesa mvutu.] Tala mambu yai ya mfunu Yezu tubaka. [Tanga Luka 12:15.] Zulunalu yai ke monisa mutindu ya mbote ya kutadila bima ya kinsuni, mpi yo ke pesa bangindu ya mfunu ya ke tadila mutindu ya kusala mbote badepanse na beto.”