Beto Pesana Kikesa Sambu na Bisalu ya Mbote

Mukanda ya Baebreo 10:24 ke siamisa beto na ‘kutulana dikebi sambu beto pesana kikesa ya kumonisa zola mpi ya kusala bisalu ya mbote.’ Beto lenda pesa bampangi na beto kikesa na mbandu na beto mpi na bangogo yina beto ke sadila sambu na kumonisa lukwikilu na beto. Zabisa bantu ya nkaka na dibundu ba-eksperiansi na nge ya mbote. Monisa bo mutindu nge ke monaka kiese na kisalu ya Yehowa. Kansi, kufwanisa bo ve ti nge to ti bantu ya nkaka. (Bag. 6:4) Sadila makuki na nge sambu na kupesa bantu ya nkaka kikesa ya kumonisa “zola mpi ya kusala bisalu ya mbote.” Kupesa bo ve ngindu nde bo ke salaka mingi ve kansi siamisa bo na kusala bisalu ya mbote. (Tala mukanda Nzo-Nkanda ya Kisalu, lut. 158, par. 4.) Kana beto ke pesana ntete kikesa ya kumonisa zola, mpidina beto ta sala bisalu ya mbote na nima, mu mbandu, kusadisa bantu ya nkaka na kinsuni to kusamuna ti bo.​—2 Bak. 1:24.