Monisa Ngolo ya Ndinga ya Nzambi na Kisalu ya Kusamuna

Kana muntu me ndima nde beto zabisa yandi nsangu ya mbote, beto sadila dibaku yango mbote mpi beto tanga baverse mbala mosi na Biblia sambu na kumonisa yandi ngolo ya Ndinga ya Nzambi. Bo tubilaka diambu yai mingi na lukutakanu ya sipesiali ya kilumbu mosi ya mvula ya me luta. Nkengi ya nziunga salaka diskure mosi ya vandaka ti ntu-diambu: “Monisa Ngolo ya Ndinga ya Nzambi na Kisalu ya Kusamuna.” Keti nge ke yibuka diaka bangindu ya mfunu ya diskure yango?

• Sambu na nki ndinga ya Yehowa kele ngolo mingi kuluta ya beto?—2 Tim. 3:16, 17.

• Inki mutindu Biblia ke tedimisaka mawi, ke yidikaka mabanza, ke tomisaka bikuma ya ke pusaka bantu na kusala mambu mpi ke yidikaka bikalulu?—Tala Nzozulu ya Nkengi ya Yuni 1, 2012, lut. 30, par. 7.

• Kana beto ke tangila muwi verse mosi na kisalu ya kusamuna, nki mutindu beto lenda benda dikebi na yandi na Ndinga ya Nzambi sambu yandi zitisa yo?—Tala Nzo-Nkanda ya Kisalu, lut. 148, bapar. 3-4 mpi Kisalu na Beto ya Kimfumu ya Marsi 2013, lut. 6, par. 8.

• Sambu na nki yo kele mfunu nde beto tendula baverse ya beto me tangila muwi mpi kuyindula ti yandi? Mpi nki mutindu beto lenda sala yo?—Bis. 17:2, 3; tala Nzo-Nkanda ya Kisalu, lut. 154, par. 4 tii na lut. 156, par. 5.