Kudibongisa Kele Mfunu Sambu na Kulonga Mbote

Ntangu bo yulaka Yezu ngiufula mosi mbala zole sambu na luzingu ya mvula na mvula, konso ntangu yandi vandaka kupesa mvutu na kuwakana ti bampusa ya muntu yina yulaka yandi ngiufula. (Luka 10:25-28; 18:18-20) Yo yina, ata beto lenda zaba mbote mambu ya kele na mukanda ya beto ke longuka ti longoki, beto fwete yidika yo na ntwala na kutadila bampusa na yandi. Inki mambu lenda pesa yandi mpasi na kubakisa to na kundima? Inki baverse beto fwete tangila yandi? Baparagrafe ikwa beto fwete longuka? Yo lenda lomba kuyidika mbandu mosi, kupesa ntendula to kuyidika bangiufula sambu na kusadisa longoki na kubakisa mambu. Diaka, sambu Yehowa muntu ke yedisaka nkeni ya kieleka na ntima ya longoki, beto fwete lomba Yehowa na kusakumuna beto ntangu beto ke yidika mukanda. Beto fwete lomba yandi mpi na kusakumuna longoki mpi kikesa ya beto ke sala sambu na kusadisa yandi na kuyela na kimpeve.​—1 Bak. 3:6; Yak. 1:5.