Mitindu ya Kusadila JW Library

SAMBU NA KULONGUKA:

• Tanga Biblia mpi mukapu ya lumbu

• Tanga Annuaire, bazulunalu, mpi mikanda ya nkaka. Sadila kidimbu (marque-pages) yina ke sadisaka na kuzaba kisika nge me suka

• Yidika balukutakanu ya dibundu mpi tenda bamvutu

• Tala bavideo

NA BALUKUTAKANU:

• Sosa baverse yina mutubi ke pesa. Sadila kidimbu (Historique) ya ke bumbaka mambu ya nge me katuka kutanga sambu na kuvutuka na verse

• Na kisika ya kunata mikanda mingi na lukutakanu, sadila telefone to tablete na nge sambu na kulanda lukutakanu mpi sambu na kuyimba bankunga. JW Library kele ti bankunga ya mpa yina bo me basisa ntete ve na mukanda

NA KISALU YA KUSAMUNA:

• Songa kima mosi na JW Library na muwi yina me sepela, mpi na nima sadisa yandi na kubaka programe JW Library ti mikanda mpi kutula yo na telefone to tablete na yandi

• Sadila kidimbu (Recherche) yina ke sadisaka na kusala bansosa sambu na kuzwa verse ya nge ke sosa. Kana nsa mosi ke monana ve na Mbalula ya Nsi-Ntoto ya Mpa yina bo me tomisa, kwenda na Bible avec notes et références mpi sosa diaka

• Songa video mosi. Kana muwi kele ti bana ya fioti, nge lenda songa yandi bavideo yina kele ti ntu-diambu Kuma Nduku ya Yehowa. To nge lenda songa muwi video yina kele ti ntu-diambu, Sambu na Nki Beto Fwete Longuka Biblia? sambu na kuyedisa mpusa na yandi ya kulonguka Biblia. Kana muwi ke tubaka ndinga ya nkaka, songa yandi video na ndinga na yandi

• Songa muwi verse na ndinga ya nkaka na mbalula yina nge bakaka. Kwenda na verse yango, bweta nimero ya verse, mpi bweta kisika yo ke songa verse yango na mbalula ya nkaka