“Mono Yandi Yai! Tinda Mono!”

Kikalulu ya Yezaya ya kuvanda ya kuyilama na kudipesa me fwana nde beto landa yo. Yandi monisaka lukwikilu mpi ndimaka kukonda kusukinina na kulungisa mpusa mosi, ata yandi zabaka ve mambu yonso. (Yez 6:8) Keti nge lenda yidika mambu ya luzingu na nge sambu na kusala kisika yina bo kele ti mfunu ya bansamuni mingi ya Kimfumu? (Nk 110:3) Ya kieleka, yo kele mfunu “na kutadila mbongo yina yo ta lomba” kana nge fwete kwenda kisika yina. (Luk 14:27, 28) Kansi, vanda ya kuyilama na kusala bibansa sambu na kisalu ya kusamuna. (Mat 8:20; Mar 10:28-30) Mutindu beto monaka na video Kwenda Kusala Kisika Mpusa Kele Mingi, balusakumunu ya beto ke bakaka na kisalu ya Yehowa me luta kibeni konso kibansa yina beto lenda sala.

NA NIMA YA KUTALA VIDEO, PESA BAMVUTU NA BANGIUFULA YAI:

• Inki bibansa bantu ya dibuta ya mpangi William salaka sambu na kusala na Équateur?

• Inki mambu bo tadilaka ntangu bo ponaka kisika ya bo fwete kwenda kusala?

• Inki balusakumunu bo bakaka?

• Na wapi nge lenda baka bansangu mingi ya ke tadila kusala kisika yina mpusa kele mingi?

NA LUSAMBU NA BENO YA DIBUTA YA MPOSO YINA KE LANDA, BENO TADILA BANGIUFULA YAI:

• Inki mutindu dibuta na beto lenda sala mingi na kisalu ya kusamuna? (km 8/11 4-6)

• Kana beto lenda kwenda ve kusala kisika mpusa kele mingi, na nki mitindu beto lenda sadisa dibundu na beto? (w16.03 23-25)