Malongi Yina Beto Ke Baka na Mukanda ya Yonasi

Yehowa tulaka masolo ya luzingu ya babakala mpi ya bankento ya lukwikilu na Biblia sambu na kulonga beto malongi ya mfunu. (Bar 15:4) Inki malongi nge bakaka na mukanda ya Yonasi? Beno tala video Lusambu ya Dibuta: Yonasi—Baka Malongi na Mawa ya Yehowa, na nima beno pesa bamvutu na bangiufula yai:

• Na video yai, inki bampasi bansamuni yina tatu kutanaka ti yo?

• Inki mutindu mukanda ya Yonasi lenda pesa beto kikesa kana bo me pesa beto ndola to kana beto me vidisa mikumba na dibundu? (1Sa 16:7; Yon 3:1, 2)

• Inki mutindu disolo ya Yonasi lenda sadisa beto na kulanda kuvanda ti mabanza ya mbote sambu na bantu ya teritware na beto? (Yon 4:11; Mat 5:7)

• Inki mutindu mambu yina Yonasi kutanaka na yo lenda sadisa beto kana beto ke bela maladi yina ke manaka ve? (Yon 2:1, 2, 7, 9)

• Inki malongi nge me baka na video yai na yina me tala kutanga Biblia mpi kuyindulula?