“Yina ya Nzambi Me Vukisaka . . .”

Nsiku ya Moize vandaka kutuba nde bakala yina ke zola kufwa makwela fwete yidika mukanda ya kufwa makwela. Yo vandaka kusala nde bantu kufwa ve makwela nswalu. Kansi na bilumbu ya Yezu bantwadisi ya mabundu kumisaka kufwa makwela diambu ya pete. Babakala lendaka kufwa makwela ata sambu na konso kima yina. (“mukanda ya kukula yandi” noti ya kulongukila ya Mar 10:4, nwtsty-E; “me fwa makwela ti nkento na yandi,” “me sala bizumba na meso na yandi,” banoti ya kulongukila ya Mar 10:11, nwtsty-E) Yezu bendaka dikebi ya bantu na mutindu Yehowa yidikaka mpi tulaka makwela. (Mar 10:2-12) Yo lombaka nde bakala ti nkento kukuma “nsuni mosi” mpi bo zinga kimakulu. Masonuku ke monisa nde kikuma kele kaka mosi ya kufwa makwela mutindu mukanda ya Matayo ke monisa yo. Kikuma yango kele “bizumba.”—Mat 19:9.

Bubu yai, bantu mingi ke tadilaka ve makwela mutindu Yezu vandaka kutadila yo, kansi bo ke tadilaka yo bonso Bafarize. Kana mavwanga me basika, bo ke sosaka kufwa makwela nswalu. Kansi bankwelani yina kele bakristu, ke bakaka lusilu na bo ya makwela na mbalu mpi bo ke salaka ngolo na kusadila minsiku ya Biblia sambu na kununga bampasi. Na nima ya kutala video Zola mpi Luzitu Ke Vukisaka Mabuta, pesa mvutu na bangiufula yai:

• 

  Inki mutindu nge lenda sadila Bingana 15:1 na makwela na nge mpi sambu na nki yo kele mfunu?

• Inki mutindu nge lenda sadila Bingana 19:11 sambu na kutina mavwanga?

• Kana mavwanga me basika na makwela, na kisika ya kusosa kufwa yo, inki bangiufula nge fwete kudiyula?

• Inki mutindu nge lenda sadila mambu yina kele na Matayo 7:12 sambu na kuvanda bakala to nkento ya mbote?