Keti Nge Ke Monaka Bikalulu ya Nzambi ya Ke Monikaka Ve?

Ntangu nge ke talaka kulere ya bintuntu, bambwetete na zulu to ntangu nge ke waka makelele ya masa, keti nge ke monaka bisalu ya maboko ya Ngangi? Bima yina Yehowa me gangaka ke monisaka pwelele bikalulu na yandi yina ke monikaka ve. (Bar 1:20) Kana beto ke yindulula na bima yina Nzambi me salaka, yo ta sadisa beto na kumona ngolo, zola, mayele, lunungu mpi kikalulu na yandi ya kukaba.—Nk 104:24.

Inki kele mwa bima yina Yehowa me salaka ya nge ke talaka konso kilumbu? Ata nge ke zingaka na mbanza, nge lenda mona bandeke to banti. Kana beto ke tala na dikebi yonso bima yina Yehowa me salaka, yo lenda sadisa beto na kufiotuna basusi, na kutula ve dikebi na bampasi na beto mpi na kuvanda ti kivuvu nde Yehowa ta lungisa bampusa na beto kimakulu. (Mat 6:25-32) Kana nge kele ti bana, sadisa bo na kumona bikalulu ya mbote ya Yehowa. Kana beto ke monisa ntonda sambu na bima yina Yehowa me gangaka, beto ta kuma pene-pene ya Ngangi na beto.—Nk 8:3, 4.

SONGA VIDEO LUGANGU KE MONISAKA NKEMBO YA NZAMBI—NSEMO MPI KULERE MPI NA NIMA BENO PESA BAMVUTU NA BANGIUFULA YAI:

• Inki mutindu bima yina ke tulaka mukubu (pigment) ke sadisaka beto na kumona bakulere?

• Inki ke salaka nde bakulere kuvanda ya kuswaswana?

• Sambu na nki beto ke monaka bakulere ya kuswaswana na zulu?

• Inki bakulere ya kitoko ya lugangu ya nge ke monaka pene-pene ya nzo na beno?

• Sambu na nki beto fwete baka ntangu ya kutala na dikebi yonso bima yina Yehowa me salaka?