Bisalu ya Mbote Yina Bo Lenda Vila Ve

Bansadi yonso ya Yehowa lenda sadila Yehowa bisalu ya mbote mpi yandi ta vila yo ve ata fioti. Bonso tata yina ke zolaka bana na yandi mpi ke vilaka ve mambu ya mbote yina bo ke salaka, Yehowa ta vila ve bisalu yina beto ke salaka mpi zola yina beto ke monisaka sambu na zina na yandi. (Mat 6:20; Ebr 6:10) Ya kieleka, beto yonso ke vandaka ve ti makuki ya mutindu mosi mpi mambu ya luzingu na beto me swaswana. Ata mpidina, kana beto ke sala yonso na kisalu ya Yehowa, beto lenda vanda na kiese. (Bag 6:4; Kol 3:23) Na nsungi ya bamvula mingi, bampangi mingi ke salaka na Betele. Keti nge lenda pesa maboko na kisalu ya Betele? Kana mpila kele ve, keti nge lenda siamisa muntu ya nkaka na kusala yo to kusadisa mpangi mosi ya Betele na kulanda kusala kisalu yai ya mfunu?

SONGA VIDEO MONISA MPUSA YA KUSALA NA BETELE, MPI NA NIMA BENO PESA BAMVUTU NA BANGIUFULA YAI:

• Inki fwete pusa beto na kusala na Betele?

• Inki bampangi ya nkaka me tubaka sambu na balusakumunu yina bo ke bakaka na kisalu ya Betele?

• Inki mambu muntu fwete lungisa sambu na kusala na Betele?

• Inki formilere muntu fwete fulusa sambu na kusala na Betele?