ZINGA MUTINDU BAKRISTU FWETE ZINGA

Yehowa Ke Zolaka Bantu ya Bunkete

“Yobisa maboko. Komba nzo. Yobisa nzo. Losa mvindu yina.” Bibuti mingi ke longaka bana na bo mutindu ya kuvanda bunkete na nitu. Kansi, minsiku ya me tala bunkete me katukaka na Nzambi na beto yina kele santu. (Kub 30:18-20; Kul 23:14; 2Bk 7:1) Kana nitu mpi bima na beto kele bunkete, beto ta pesa Yehowa lukumu. (1Pi 1:14-16) Inki beto lenda tuba sambu na nzo mpi lupangu na beto? Bakristu kele ve bonso bantu yina ke losaka bamvindu na nzila mpi na bisika yina bantu mingi ke vandaka, kansi bo ke salaka ngolo na kutula bunkete konso kisika yina bo kele. (Nk 115:16; Kus 11:18) Ata na mambu ya fioti-fioti, beto lenda monisa kana beto kele bantu ya bunkete to ve, mu mbandu kulosa sashe ya bombon, binzanza ya mvindu, to bazoka. Na konso diambu ya beto ke sala, beto ke zolaka ‘kumonisa nde beto kele bansadi ya Nzambi.’—2Bk 6:3, 4.

SONGA VIDEO NZAMBI KE ZOLAKA BANTU YA BUNKETE, MPI NA NIMA BENO PESA BAMVUTU NA BANGIUFULA YAI:

Inki bikuma bantu ya nkaka ke pesaka kana bima na bo kele mvindu?
Inki mutindu Nsiku ya Moize monisaka mutindu Yehowa ke tadilaka kuvanda bunkete?
Inki mutindu beto lenda kumisa Yehowa kukonda kutuba ata kima?

Papa mosi ke kota na kaminio ya mwana na yandi kansi yo kele mvindu; papa ti mwana ke tubila bansiku ya Yehowa na yina me tala bunkete; banganga-nzambi zole na ntangu ya ntama na Izraele kele na lweka ya dilonga ya nene ya kwivre sambu na kuyobidila; bampangi ya kimvuka mosi ya kisalu ya bilanga ke basika mpi mwana yina me tula kaminio na yandi bunkete — Na luzingu na mono, inki mutindu mono lenda landa mbandu ya Yehowa na yina me tala kuvanda bunkete?