BIMVWAMA YA NDINGA YA NZAMBI | KUBASIKA 10-11

Moize mpi Aroni Me Monisa Kikesa ya Mingi

10:3-6, 24-26, 28; 11:4-8

Moize mpi Aroni monisaka kikesa ntangu bo solulaka ti Farao muntu ya kuluta ngolo na ntoto ya mvimba na ntangu yina. Inki sadisaka bo? Biblia ke tuba sambu na Moize nde: “Sambu na lukwikilu, yandi bikisaka Ezipte, kansi yandi waka ve boma ya makasi ya ntotila, sambu yandi bikalaka ngolo bonso nde yandi vandaka kumona Muntu yina ke monanaka ve.” (Ebr 11:27) Moize ti Aroni vandaka ti lukwikilu ya ngolo na Yehowa mpi bo tudilaka yandi ntima.

Na nki mabaku yo ke lombaka nde beto vanda kikesa sambu na kutubila lukwikilu na beto na muntu yina kele ti kiyeka?

Bifwanisu ya ke monisa: Mabaku yina yo ke lombaka nde beto vanda kikesa. 1. Leke mosi ya bakala me bikala pima ya kutelama ntangu bantu ya nkaka ke pesa lusaku na drapo. 2. Mpangi bakala mosi me telama na tribinale na ntwala ya bamfumu. 3. Mpangi bakala mosi ke pesa muwi na yandi trakiti na kisalu ya kusamuna mpi polisi mosi me vanda pene-pene mpi ke tala yandi.