Beno Telama Ngolo Sambu Nsuka Me Kuma Pene-Pene

MFUNU NA YO: Ntama mingi ve mambu ya kuyituka ta salama mpi yo ta lomba nde beto monisa kikesa mpi beto tudila Yehowa ntima na mutindu yina beto me salaka ntete ve. Mpasi ya nene ta yantika ntangu bo ta fwa dibundu ya luvunu. (Mat 24:21; Kus 17:16, 17) Ziku na ntangu yina ya mpasi, beto ta zabisa nsangu ya lusambisu ya ngolo. (Kus 16:21) Gogi ya Magogi ta nwanisa beto. (Eze 38:10-12, 14-16) Sambu na kugulusa bansadi na yandi, Yehowa ta nata “bitumba ya kilumbu ya nene ya Nzambi Nkwa-Ngolo Yonso.” (Kus 16:14, 16) Sambu na kuvanda kibeni kikesa na mambu yina ta salama na bilumbu ke kwisa, beto fwete bikala ya kwikama bubu yai ntangu lukwikilu na beto ke mekama.

MUTINDU YA KUSALA YO:

• Nwanina mpi zitisa bansiku ya Yehowa ya bikalulu ya mbote.—Yez 5:20

• Landa kuvukana ti bampangi.—Ebr 10:24, 25

• Vanda ya kuyilama na kulemfuka na lutwadisu yina organizasio ya Yehowa ke pesa.—Ebr 13:17

• Yindulula mutindu Yehowa gulusaka bansadi na yandi na ntangu ya ntama.—2 Pi 2:9

• Samba Yehowa mpi tudila yandi ntima. —Nk 112:7, 8

SONGA VIDEO MAMBU YA TA SALAMA YINA TA LOMBA KIKESA—KITINI NA YO MPI NA NIMA BENO PESA BAMVUTU NA BANGIUFULA YAI:

• 

  Inki mekaka bulemfu ya bansamuni na dibundu ntangu bo tindaka bo na mabundu ya nkaka?

• 

  Inki mutindu bulemfu ke sadisaka beto na kuvanda kikesa mingi?

• 

  Sambu na nki yo ta lomba nde beto monisa kikesa ntangu Armagedoni ta kwisa?

• 

  Inki disolo ya Biblia lenda sadisa beto na kukumisa lukwikilu na beto ngolo mpi na kundima nde Yehowa kele ti ngolo ya kugulusa beto?—2 Bs 20:1-24