Keba! Kumwanga Ve Bansangu ya Luvunu

Bubu yai, bantu lenda zwa bansangu nswalu kibeni na nzila ya mikanda, radio, televizio mpi Internet. Bantu yina ke sambilaka “Nzambi ya kieleka” fwete mwanga ve bansangu ya luvunu, nkutu bo lenda sala yo ve ata na kintulumukina. (Nk 31:5; Kub 23:1) Kusonga bantu ya nkaka bansangu ya luvunu lenda pesa bo mpasi kibeni. Ntangu nge ke sosa kuzaba kana diambu mosi kele kieleka, kudiyula nde:

• ‘Keti nsangu yai me katuka na muntu yina mono ke tudilaka ntima?’ Ziku, muntu yina me songa beto disolo yango me zaba ve mambu yonso. Ntangu muntu mosi ke songa muntu ya nkaka disolo, kwenda-kwenda disolo yina ke sobaka. Yo yina, keba kana nge me zaba ve mutindu disolo yango yantikaka. Bampangi ke ndimaka bansangu yina bampangi ya kele ti mikumba ke pesaka, yo yina bampangi ya kele ti mikumba fwete keba, mingi-mingi ntangu bo ke pesa nsangu yina bo me zikisa ntete ve mbote-mbote

• ‘Keti nsangu yango ke bebisa lukumu ya muntu ya nkaka?’ Kana nsangu yango ke fingisa muntu to bantu ya nkaka, yo ta vanda mbote na kusonga yo ve bantu.—Bin 18:8; Fil 4:8

• ‘Keti bantu ta ndima nsangu yango?’ Keba ntangu nge ke landa masolo ya ke bendaka dikebi

SONGA VIDEO INKI MUTINDU MONO LENDA BUYA KUTONGA BANTU YA NKAKA? MPI NA NIMA BENO PESA BAMVUTU NA BANGIUFULA YAI:

• 

  Mutindu Bingana 12:18 ke monisa yo, nki bampasi mambu yina beto ke tuba lenda nata?

• 

  Inki mutindu Bafilipi 2:4 ke sadisa beto na kuvanda ti bukati-kati na mambu yina beto ke tuba sambu na bantu ya nkaka?

• 

  Inki beto fwete sala kana bantu ke tuba mambu ya mbi sambu na bantu ya nkaka?

• 

  Na ntwala nde beto yantika kutuba mambu ya bantu ya nkaka, nki bangiufula beto fwete kudiyula?