Kima ya Kuluta Mfunu na Nzo-Tenta

25:9, 21, 22

Sanduku vandaka kima ya kuluta mfunu ya nzo-tenta mpi ya bantu ya Izraele. Nzambi vandaka kumonana na dituti yina vandaka na kati-kati ya basherube zole yina vandaka na mufiniku ya Sanduku. Na Kilumbu ya Ndolula ya konso mvula, nganga-nzambi ya nene vandaka kukota na Kisika ya Kuluta Santu mpi kumwanga menga ya ngombe ya bakala mpi ya nkombo sambu na kulolula masumu ya bantu ya Izraele. (Lev 16:14, 15) Yo vandaka kumonisa ntangu yina Yezu, Nganga-Nzambi ya Nene kwendaka na ntwala ya Yehowa sambu na kumonisa valere ya kimenga na yandi.—Ebr 9:24-26.

Wakanisa baverse yai ti mambote yina beto ke bakaka bubu yai sambu na kimenga ya Yezu:

BAVERSE

• 1Yn 1:8, 9

• Ebr 9:13, 14

• Bar 6:23

MAMBOTE

• kivuvu ya kuzinga mvula na mvula

• kulolula masumu

• kansansa ya bunkete

Inki beto fwete sala sambu na kubaka mambote yai?