BIMVWAMA YA NDINGA YA NZAMBI | LEVI 10-11
Zola na Beto Sambu na Yehowa Fwete Vanda Ngolo Kuluta Zola na Beto Sambu na Bantu ya Dibuta
Kwikama na beto na Yehowa lenda mekama ngolo ntangu muntu mosi yina beto ke zolaka me basika na dibundu. Nsiku yina Yehowa pesaka Aroni ke monisa mfunu ya kuvukana diaka ve ti muntu ya dibuta yina bo me basisa na dibundu. Zola na beto sambu na Yehowa fwete vanda ngolo kuluta zola na beto sambu na bantu ya dibuta yina me konda kwikama.
Bantu yina ke lemfukila bantuma ya Yehowa na yina me tala bantu yina bo me basisa na dibundu lenda baka inki mambote?—1Bk 5:11; 2Yn 10, 11