Keti Nge Kele ya Kuyilama Sambu na Nzo-Nkanda ya Bansamuni ya Kimfumu?

Keti nge kele ti bamvula banda na 23 tii na 65 mpi nge ke salaka kisalu ya ntangu yonso? Keti nge kele ti sante ya mbote? Nge ta zola kukwenda kusala kisika yina mpusa kele mingi? Kana mvutu na nge kele nde Ee na bangiufula yai, keti nge me fulusaka dezia formilere sambu na Nzo-Nkanda ya Bansamuni ya Kimfumu? Banda Nzo-Nkanda yai me yantikaka, bankwelani mingi mpi bampangi-babakala mpi bankento yina me kwelaka ntete ve me kotaka yo dezia. Ata mpidina, beto ke vandaka ti mfunu ya mingi ya bampangi-babakala yina me kwelaka ntete ve. Lomba Yehowa na kusadisa nge sambu nge sepedisa yandi mingi mpi sambu nge landa mbandu ya mwana na yandi. (Nk 40:8; Mat 20:28; Ebr 10:7) Tadila mutindu nge lenda fiotuna kisalu na nge ya kinsuni to mambu na nge ya nkaka sambu na kukota na Nzo-Nkanda yai.

Na wapi bo tindaka bampangi yina bakaka formasio yai mpi nki bisalu bo kwendaka kusala? Bampangi ya nkaka kwendaka kusala na bisika yina bo ke tubaka bandinga ya nkaka to kuta kimbangi na kisika ya bantu yonso na bambanza ya nene. Bampangi ya nkaka diaka kumaka kuyinga bankengi ya nziunga, bankaka kumaka bankengi ya nziunga to bamisionere. Ntangu nge ke yindula mambu yina nge lenda sala na kisalu ya Yehowa, vanda ti bangindu ya mutindu mosi bonso profete Yezaya yina tubaka nde: “Mono yandi yai! Tinda mono!”—Yez 6:8.

SONGA VIDEO BAMISIONERE YA KE SAMUNAKA NA BATERITWARE—BANSADI NA NSUNGI YA KUKATULA BAMBUMA MPI NA NIMA BENO PESA BAMVUTU NA BANGIUFULA YAI:

• 

  Inki mutindu bo ke ponaka bamisionere ya ke salaka na bateritware?

• 

  Inki kisalu ya mbote bamisionere ya ke salaka na bateritware ke salaka?

• 

  Kisalu ya kimisionere ke nataka nki mambote?