BIMVWAMA YA NDINGA YA NZAMBI

Vanda Mayele Ntangu Nge Ke Pona Nkwelani

Salomo kondaka mayele mutindu yandi kwelaka bankento yina vandaka kusambila banzambi ya luvunu (1Bn 11:1, 2; w18.07 18 § 7)

Malembe-malembe, bankento ya Salomo pusaka yandi na kuyambula Yehowa (1Bn 11:3-6; w19.01 15 § 6)

Yehowa wilaka Salomo makasi (1Bn 11:9, 10; w18.07 19 § 9)

Bifwanisu: Mpangi-nkento mosi ya me kwelaka ve ke sala kulonguka na yandi mosi ya Biblia mpi ke yindula mpangi-bakala mosi ya me kwelaka ve. 1. Mpangi-bakala yango ke pesa komantere na lukutakanu ya dibundu. 2. Yandi ke ta kimbangi na kisika ya bantu mingi. 3. Yandi ke pesa maboko na kisalu ya kutanina Nzo ya Kimfumu.

Ndinga ya Nzambi ke pesaka Bakristu yina me kwela ntete ve ndongisila ya kukwela “kaka na Mfumu.” (1Bk 7:39) Ata muntu me bakaka mbotika, yo ke tendula kaka ve nde yandi kele nkwelani ya me fwana. Keti yandi ta sadisa nge na kulanda kusadila Yehowa na moyo na nge ya mvimba? Keti yandi me monisaka dezia banda mwa ntama nde yandi ke zolaka Yehowa? Na ntwala ya kundima kukwelana ti muntu, sosa ntete kuzaba yandi mbote.