Nge Lenda Sala nde Dibuta na Nge Kuvanda na Kiese

Yehowa ke zolaka nde mabuta kuvanda na kiese. (Nk 127:3-5; Lon 9:9; 11:9) Kansi basusi mpi bifu ya bantu ya dibuta lenda sala nde beto vanda ve na kiese. Inki konso muntu na kati ya dibuta fwete sala sambu dibuta kuvanda na kiese?

Bakala fwete pesa nkento na yandi lukumu. (1Pi 3:7) Yandi fwete lutisa ntangu ti yandi. Yandi fwete vanda ve makambu ngolo mpi yandi fwete pesa nkento na yandi mersi sambu na mambu yina yandi ke sadila yandi mpi dibuta. (Kol 3:15) Yandi fwete zola yandi mpi yandi fwete kumisa yandi.​—Bin 31:28, 31.

Nkento fwete sadisa bakala na yandi. (Bin 31:12) Yandi fwete lemfukila bakala na yandi mpi yandi fwete wakana mbote ti yandi. (Kol 3:18) Yandi fwete tubila bakala na yandi na mawete yonso mpi yandi fwete tuba mambu ya mbote sambu na yandi.​—Bin 31:26.

Bibuti fwete lutisa ntangu ti bana na bo. (Kul 6:6, 7) Bo fwete songa bana na bo nde bo ke zolaka bo. (Mat 3:17) Bo fwete pesa bo ndola na zola yonso mpi bo fwete lutisa ve ndilu.​—Efe 6:4.

Bana fwete pesa bibuti na bo lukumu mpi kulemfukila bo. (Bin 23:22) Bo fwete songa bibuti na bo mambu yina bo ke yindula mpi mutindu bo ke wa. Bo fwete ndima ndola yina bibuti na bo me pesa bo mpi bo fwete zitisa bo.​—Bin 19:20.

BENO TALA VIDEO BENO ZINGA NA KIESE NA DIBUTA MPI NA NIMA BENO PESA MVUTU NA NGIUFULA YAI:

Inki konso muntu salaka sambu dibuta na bo kuvanda na kiese?