Bibuti—Beno Sadisa Bana na Beno na Kukuma ti Mayele ya Nzambi

Mutindu mosi ya kuluta mbote yina bibuti lenda sadisa bana na bo na kukuma ti mayele ya Nzambi kele kusadisa bo na kubakila balukutakanu mambote. Mambu yina bana ke mona, ke wa mpi ke tuba na balukutakanu lenda sadisa bo na kulonguka mambu ya Yehowa mpi na kukuma banduku na yandi ya ngolo. (Kul 31:12, 13) Kana nge kele kibuti, nki mutindu nge lenda sadisa bana na nge na kubakila balukutakanu mambote?

• Sala yonso sambu na kuvukana na balukutakanu kimuntu-kimuntu.​—Nk 22:22

• Baka mwa ntangu ya kusolula ti bampangi sambu na kupesana kikesa na ntwala ya lukutakanu to na nima na yo.​—Ebr 10:25

• Sala yonso sambu konso muntu ya dibuta na nge kuvanda ti mukanda yina beno ke longuka na lukutakanu, yo vanda na telefone to ya papie

• Sadisa mwana na nge na kupesa mvutu na bangogo na yandi mosi.​—Mat 21:15, 16

• Tuba mambu ya mbote sambu na balukutakanu mpi malongi yina beno ke longukaka kuna

• Sadisa bana na nge na kusala bisalu bonso kutula bunkete na Nzo ya Kimfumu to kusolula ti minunu yina kele na dibundu na beno

Sambu na kusadisa bana na nge na kukwenda pene-pene na Yehowa, yo ta lomba nde nge sala mambu mingi. Bantangu ya nkaka nge lenda yindula nde nge ta kuka ve kusala yo kansi ndima nde Yehowa ta sadisa nge.​—Yez 40:29.

TALA VIDEO BIBUTI, BENO TULA NTIMA NA YEHOWA MPI NA NGOLO NA YANDI MPI NA NIMA BENO PESA BAMVUTU NA BANGIUFULA YAI:

• Kulemba pusaka Zack ti Leah na kusala nki?

  Your answer

• Sambu na nki bibuti fwete lomba Yehowa na kupesa bo ngolo?

  Your answer

• Inki mutindu Zack ti Leah tudilaka Yehowa ntima sambu bo nunga?

  Your answer